Qazirgi ýaqytta volonter degen sózdiń salmaǵy bar. Tipti volonter bolý sánge ainalyp barady. Bul týraly Ortalyq kommýnikatsiialar qyzmetinde ótken onlain brifingide «Klýb Dobriakov» eriktiler qozǵalysynyń negizin qalaýshy Gúlmira Abdrasheva aitty, dep habarlaidy QazAqparat.
«Klýb Dobriakov» eriktiler qozǵalysy elimizdiń jeti aimaǵynda ashylǵan. Bul klýb qai aimaqta ashylsa da sol mańda ornalasqan eldi mekenderdegi adamdar men janýarlarǵa kómektesedi degen qaýly shyǵarylady. Mysaly, elordadaǵy klýb elorda mańynda ornalasqan 32 aýylǵa kómektesedi. Janýarlar dúniesin qorǵaý týraly zańnama shyǵatyny týraly jańalyq bizdi qýantty», - deidi «Klýb Dobriakov» eriktiler qozǵalysynyń negizin qalaýshy Gúlmira Abdrasheva.
Onyń aitýynsha, volonterlikpen ainalysqanyna 15 jyl bolsa, «Klýb Dobriakov» eriktiler qozǵalysynyń ashylǵanyna 6 jyl bolǵan.
«Qazirgi ýaqytta volonter degen sózdiń salmaǵy bar. Tipti volonter bolý sánge ainalyp barady jáne men bul ideiany qoldaimyn. Bul jyl volonterler jyly dep jariialanýynyń ózi memleket tarapynan úlken qoldaý dep sanaimyn», - deidi ol.
