Qazaqstan Respýblikasy Mádeniet jáne sport ministrligi Til saiasaty komitetiniń tapsyrmasymen Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy «Qazirgi terminologiia: ulttyq nemese jahandyq» taqyrybynda ádistemelik onlain-seminaryn ótkizedi, dep habarlaidy "Ult aqparat".
Ádistemelik onlain-seminardyń ózektiligi qazaq terminologiiasyn ǵylym tili retinde qalyptastyrý, terminderdi júieleý jáne birizdendirý, birneshe balamasy qatar qoldanylyp júrgen shettildik terminderdi igerý máselesin sheshýge negizdeledi.
Uiymdastyrylyp otyrǵan onlain-seminardyń maqsaty – qazaq terminologiiasyndaǵy ulttyq sipat pen jahandyq máselelerdiń arajigin ashý, shettildik terminderdi igerýdegi sátti tájiribemen bólisý.
Terminderdiń birizdi qoldanylýyn qamtamasyz etý – terminologiia salasyndaǵy eń ózekti másele. Óitkeni kei terminderdiń túrli balamada qoldanylýy, iaǵni teledidar, gazet-jýrnaldarda, oqýlyqtar men ádebietterde túrli balamalarynyń qatar júrýi, onyń ishinde sátsiz balamalardyń bolýy qazaq tilin ǵylym tili retinde damytýǵa kedergi keltirýde.
Onlain-seminardyń baiandamashylary naqty salalardaǵy jekelegen terminderdiń ártúrli balamada qoldanylý faktilerine toqtalyp, avtorlyq qoldanystaǵy sózder men terminderdi eń durys nusqa dep esepteýdiń ulttyq terminologiiany jetildirýge tigizetin áseri men saldaryn talqylaidy.
Sondai-aq seminarda sala mamandary men jurtshylyqqa ádistemelik jaǵynan qoldaý kórsetý kózdeledi.
Is-sharany sala mamandary, filologtar men joǵary oqý ornynyń stýdentteri, jalpy jurtshylyq termincom.kz saitynyń iýtýbtaǵy kanalynan kóre alady.
Ótetin orny: Nur-Sultan qalasy, Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy, Saýran kóshesi, 7a.
Bastalýy: 26 qarasha, saǵat 10.00.
