Foto: Tengrinews.kz
Elorda turǵyndarymen kezdesken Qarjy vitse-ministri Erjan Birjanov bankrottyq rásimdeý kezinde beiresmi málimetterge júginip, alaiaqtarǵa aldanyp qalmaýǵa shaqyrdy, dep habarlaidy QazAqparat.
«Qazir jelilerde ailakerler paida boldy. Olar «Maǵan 10 paiyzyn berseńiz, men sizdi bankrot dep tanimyn» dep ýáde beredi. Ondai habarlamalarǵa júginip kerek emes. Sebebi turǵyndar aldanyp qalady. Biz aitqymyz keledi: bankrottyq protsester tegin túrde ótkiziledi. Bul - memleket tarapynan jasalǵan shara. Sondyqtan buǵan memleket pen azamat qana qatysa alady. Úshinshi jaqtyń bul iske qosylýy tiis emes», - dep málim etti Erjan Birjanov.
Vitse-ministr sózinshe, eger bankrottyqty rásimdeý kezinde alaiaqtyq faktileri anyqtalsa, onda bul týraly aqparat dereý quqyq qorǵaý organdaryna beriledi. Keiin ailakerdiń áreketine tiisti baǵa berilip, qajet bolǵan jaǵdaida qylmystyq is qozǵalady. Sondyqtan Erjan Birjanov bankrot dep taný jónindegi ótinishter men aqparatty tek melekettik organdardan alý kerektigin aitty.
Sonymen qatar Astana qalasynyń turǵyndarymen kezdesip, zańdy túsindirgen vitse-ministr azamattardy bankrot dep taný – qaryzdy keshirý aktsiiasy emes ekendigin basa aitty. Sebebi munyń zańmen retteletin saldary bar.
