Foto:Tengrinews.kz
Qazir Astanadaǵy 200 úi turýǵa jaramsyz. Bul týraly Memleket basshysy Qasym-Jomart Toqaev elordany damytý máseleleri jónindegi keńes otyrysynda aitty, dep habarlaidy "Ult aqparat" Aqordanyń baspasóz qyzmetine silteme jasap.
«Sońǵy kezde eski jáne apatty jaǵdaida turǵan úilerdi súrip tastaýǵa qatysty jumys toqtap qaldy. Onyń ornyna beriletin jańa baspana sany 70 paiyzǵa azaiyp ketti.
Qazir Astanadaǵy 200 úi turýǵa jaramsyz. Qalanyń Asan Qaiǵy kóshesin jańartý baǵdarlamasy bar. Biraq 5 jyldyń ishinde osy kóshedegi eski úilerdiń nebári 14 paiyzy ǵana buzylǵan. Jurt ǵimarattardyń tyǵyz salynyp jatqanyna narazy. Qurylysy toqtap turǵan úiler áli de bar. Úleskerlerdiń shaǵymy da kóp.
Keibir turǵyn úilerge ortalyqtan jylý berý máselesi sheshilmegen. Sonyń kesirinen adamdar daiyn turǵan baspanasyna kóshe almai otyr. Sondai-aq 360 astam úige kúrdeli jóndeý jumystaryn júrgizý kerek. Olardy jańǵyrtý josparyn ázirleý qajet» - dedi Prezident.
