«Nur Otan» partiiasy jastar qanatynyń ortalyq keńesiniń múshesi Islam Bairamov Qazaqstan Respýblikasynyń Prezidenti Qasym-Jomart Toqaevtyń áskeri mindettilerdi arnaýly jiynǵa shaqyrý týraly jarlyqqa qatysty pikir bildirdi, dep habardaidy QazAqparat.
«Basqa elderdegidei, bizdiń elge de ońai soǵyp jatqan joq. Osyny bári túsinýi kerek. Bárimizge birigip, kúsh biriktirýimiz kerek. Memleket basshysy aitqandai, kúsh biriktire otyryp koronavirýs pandemiiasymen kúresýimiz qajet», - deidi Islam Bairamov.
Onyń aitýynsha, arnaýly jiyndy jappai jumyldyrýmen shatastyrmaý kerek
«Arnaýly jiyn eń aldymen koronavirýspen kúresýge baǵyttalǵan. Sáikesinshe, olar virýstyń saldaryn joiyp, ómirlik qiyn jaǵdaiǵa tap bolǵan adamdarǵa kómektese alady. Olar sý tasqynyna qatysty jumystarmen ainalysýy múmkin, osynyń bárin túsinip, óz úlesimizdi qosýymyz kerek», - deidi ol.
Islam Bairamov qazirgi jaǵdaida árkim shama-sharqy jetkenshe halyqqa kómektesýi qajettigin basa aitty.
«Kópshiligimiz úide bolyp, múmkindiginshe eshqaida shyqpaýǵa tyrysýymyz kerek. Áskeri mindettiler de kómektesýleri kerek. «Nur Otan» partiiasy jastar qanaty da «Biz birgemiz» qozǵalysy aiasynda kómektesedi. 100-den astam otbasy aldymen kerekti azyq-túlikpen, antiseptik jáne maskamen qamtamasyz etilip qoidy. Biz volonterlerdi daiyndap, azyq-túlik jetkizýge kómektestik», - deidi Islam Bairamov.
Eske sala ketsek, 2 sáýirde Qazaqstan Prezidenti áskeri mindettilerdi arnaýly jiynǵa shaqyrý týraly Jarlyqqa qol qoiǵan bolatyn.
.jpeg)