Ishki ister ministrligi jalǵan PTR testisi men vaktsinatsiia pasportyn jasaý faktilerin anyqtady, dep habarlaidy Polisia.kz.
Qazirgi ýaqytta halyqtyń densaýlyǵyn saqtaý Úkimetiniń ózekti baǵyttarynyń biri bolyp tabylady. Covid-19 koronavirýstyq infektsiiasy jáne onymen bailanysty jaǵdailar barlyq salalarǵa aitarlyqtai ózgerister engizdi. Memleket basshysy Qasym-Jomart Toqaev koronavirýspen kúresýdiń birden-bir ári senimdi joly vaktsina salý ekenin atap ótti.
PTR–testterdi qoldan jasaý jáne paidalaný faktileri boiynsha Ishki ister ministrligi óz quzireti sheginde qajetti sharalar qabyldaýda. Keibir azamattar qazirgi jaǵdaidy paida tabý úshin paidalanady, PTR testileý nátijeleri men vaktsinatsiia pasportyn qoldan jasaidy, osylaisha koronavirýstyń taralýyna septesedi.
Jyl basynan beri ishki ister organdary PTR-testileý nátijeleri men vaktsinatsiia pasporttaryn qoldan jasaýdyń, sondai-aq olardy paidalanýdyń 30 jaǵdaiyn tirkedi.
Mysaly, Almaty qalasynda qajylardyń Saýd Arabiiasy Koroldigine ketýin rásimdeý kezinde vaktsinatsiialaý pasporttaryn (143 pasport) jappai daiyndaýǵa qatysy bar týristik kompaniia anyqtaldy.
Sotqa deiingi tergeý júrgizilýde, tintý is-sharalary barysynda uiymdastyrý tehnikasy, mórler, blank ónimderi alyndy, sot saraptamalary taǵaiyndaldy.
Eske sala keteiik, jalǵan qujat daiyndaǵany úshin 4 jylǵa deiin bas bostandyǵynan aiyrý, al ony paidalanǵany úshin 40 táýlikke deiin qamaýǵa alý túrindegi qylmystyq jaýapkershilik qarastyrylǵan.
