«Qazgidromet» RMK aýa raiynyń buzylýyna bailanysty taǵy birqatar óńirde eskertý jariialady, dep habarlaidy "Ult aqparat".
Sinoptikterdiń málimetinshe, 12 qazan kúni Batys Qazaqstan oblysynyń kei jerlerin tuman basyp, soltústikten soǵatyn jeldiń jyldamdyǵy 15-20 m/s deiin kúsheiedi. Oral qalasynda 12 qazanda soltústikten soqqan jeldiń ekpini 18 m/s artady.
13-14 qazan kúnderi Túrkistan oblysynda, 14 qazanda Jambyl, Almaty, Shyǵys Qazaqstan oblystarynda jaýyn jaýady. Taýly aimaqtarda jaýyn-shashyn qatty bolatyny (jańbyrdyń sońy qarǵa ulasady) kútiledi. 13 qazanda Jambyl oblysynda ońtústik-batystan soǵatyn jeldiń kúshi 15-20 m/s, ekpini kei jerlerde 23-28 m/s jáne 30 m/s jetetini boljanady. 14 qazanda kúndiz aýa temperatýrasy +5+10 gradýs bolady.
13 qazanda Kyzylorda oblysynyń kei jerlerinde soltústik-batystan jel soǵyp, onyń jyldamdyǵy 23-28 m/s artady. Kei jerlerde 30 m/s jáne odan asa ekpinde soǵady.
«Qazgidromet» buǵan deiin ózge birneshe aimaqta eskertý jariialaǵan bolatyn.
Máselen, Aqtóbe oblysynda 12-13 qazan kúnderi aýa temperatýrasy 10 gradýs jyly bolady. Túnde úsik júredi. Jeldiń jyldamdyǵy sekýndyna 15-20 metr jyldamdyqqa deiin jetedi. Oblystyń soltústik aýdandarynda qar aralas jańbyr jaýady. 12 qazanda Aqtóbede ótkinshi jańbyr jaýýy yqtimal.
Sonymen qatar, 12-13 qazan kúnderi Qostanai, Soltústik Qazaqstan, Aqmola, Qaraǵandy oblystarynda, 13 qazanda Pavlodar oblysynda jaýyn-shashyn bolady. Jańbyrdyń sońy qarǵa ulasady. Jel aldymen ońtústik-batystan, artynsha soltústik-batystan sekýndyna 15-20 metr jyldamdyqpen soǵady, ekpini 25 m/s jetýi múmkin. Aýa temperatýrasy kúndiz 3-10 gradýs nólden joǵary bolady.
Astana qalasynda 12 qazanda kúndiz jáne 13 qazanda jańbyr jaýyp, onyń arty qarǵa ulasýy múmkin. 12 qazanda jel ońtústik-batystan 15-20 m/s jyldamdyqpen soǵady.
