«Qazgidromet» respýblikalyq memlekettik kásiporny Reseidegi qarý-jaraq qoimasynda bolǵan jarylystan keiin Qazaqstanǵa taraǵan radiatsiia týraly aqparatqa jaýap berdi, dep habarlaidy "Ult aqparat".
«Qazgidromet» RMK Qazaqstan aýmaǵyndaǵy radiatsiialyq fon men atmosferanyń radiatsiialyq lastaný monitoringin júzege asyrady. Aýa synamalaryn 5 táýlik boiy úzdiksiz alý arqyly gamma-fon 85 baqylaý pýnktinde, beta-belsendi túsý tyǵyzdyǵy 43 baqylaý pýnktinde ólsheýden ótip, Almaty qalasynyń akkredittelgen radiatsiialyq zerthanalaryndaǵy kóldeneń súzgilerde ólshenedi. Beta-belsendi túsýlerdiń zerthanalyq taldaý nátijeleri 2019 jylǵy 5 qyrkúiekke deiin jariialanatyn bolady», - delingen kásiporyn usynǵan málimette.
«Qazgidromettiń» habarlaýynsha, 8-14 tamyz aralyǵynda Reseidiń Arhangelsk, Severodvinsk aimaqtarynan kóshken aýa massasy Oral taýlarynyń soltústik bóligine 12 km/saǵ jyldamdyqpen jyljyp kelgen. Biraq Qazaqstan territoriiasyna jetpegen.
«14-19 tamyz aralyǵynda Qazaqstan territoriiasynyń basym bóligi jyly aýa massalarynyń yqpalynda bolyp, Qazaqstan arqyly Iran aimaǵynan, ári qarai batys Sibirge jyljydy», - delingen resmi aqparatta.
Sondai-aq, kásiporyn mamandary 8-19 tamyz aralyǵynda Qazaqstannyń Resei Federatsiiasymen shekaralas oblystarynda, iaǵni 55 baqylaý pýnktinde ólshengen radiatsiialyq gamma-fonnyń derekterin usyndy.
|
Óńirler |
Gamma-fonnyń máni, mkZv/ saǵ |
|
|
Fakt |
Norma |
|
|
BQO |
0,08-0,23 |
0,57 |
|
Aqtóbe |
0,08-0,28 |
|
|
Qostanai |
0,07-0,19 |
|
|
SQO |
0,10-0,16 |
|
|
Pavlodar |
0,04-0,24 |
|
|
ShQO |
0,08-0,21 |
|
Eske salsaq, tamyz aiynyń basynda Reseidiń Arhangelsk oblysy Severodvinsk qalasynan 30 shaqyrym jerdegi áskeri bólimshede jarylys boldy. Al odan úsh kún buryn Reseidiń Krasnoiarsk ólkesindegi Achin aýdanynda ornalasqan áskeri bólimniń aýmaǵynda jarylys bolyp, órt shyqty.
