«قازگيدرومەت» رەسپۋبليكالىق مەملەكەتتٸك كەسٸپورنى رەسەيدەگٸ قارۋ-جاراق قويماسىندا بولعان جارىلىستان كەيٸن قازاقستانعا تاراعان رادياتسييا تۋرالى اقپاراتقا جاۋاپ بەردٸ, دەپ حابارلايدى "ۇلت اقپارات".
«قازگيدرومەت» رمك قازاقستان اۋماعىنداعى رادياتسييالىق فون مەن اتموسفەرانىڭ رادياتسييالىق لاستانۋ مونيتورينگٸن جٷزەگە اسىرادى. اۋا سىنامالارىن 5 تەۋلٸك بويى ٷزدٸكسٸز الۋ ارقىلى گامما-فون 85 باقىلاۋ پۋنكتٸندە, بەتا-بەلسەندٸ تٷسۋ تىعىزدىعى 43 باقىلاۋ پۋنكتٸندە ٶلشەۋدەن ٶتٸپ, الماتى قالاسىنىڭ اككرەديتتەلگەن رادياتسييالىق زەرتحانالارىنداعى كٶلدەنەڭ سٷزگٸلەردە ٶلشەنەدٸ. بەتا-بەلسەندٸ تٷسۋلەردٸڭ زەرتحانالىق تالداۋ نەتيجەلەرٸ 2019 جىلعى 5 قىركٷيەككە دەيٸن جارييالاناتىن بولادى», - دەلٸنگەن كەسٸپورىن ۇسىنعان مەلٸمەتتە.
«قازگيدرومەتتٸڭ» حابارلاۋىنشا, 8-14 تامىز ارالىعىندا رەسەيدٸڭ ارحانگەلسك, سەۆەرودۆينسك ايماقتارىنان كٶشكەن اۋا ماسساسى ورال تاۋلارىنىڭ سولتٷستٸك بٶلٸگٸنە 12 كم/ساع جىلدامدىقپەن جىلجىپ كەلگەن. بٸراق قازاقستان تەرريتوريياسىنا جەتپەگەن.
«14-19 تامىز ارالىعىندا قازاقستان تەرريتوريياسىنىڭ باسىم بٶلٸگٸ جىلى اۋا ماسسالارىنىڭ ىقپالىندا بولىپ, قازاقستان ارقىلى يران ايماعىنان, ەرٸ قاراي باتىس سٸبٸرگە جىلجىدى», - دەلٸنگەن رەسمي اقپاراتتا.
سونداي-اق, كەسٸپورىن ماماندارى 8-19 تامىز ارالىعىندا قازاقستاننىڭ رەسەي فەدەراتسيياسىمەن شەكارالاس وبلىستارىندا, ياعني 55 باقىلاۋ پۋنكتٸندە ٶلشەنگەن رادياتسييالىق گامما-فوننىڭ دەرەكتەرٸن ۇسىندى.
|
ٶڭٸرلەر |
گامما-فوننىڭ مەنٸ, مكزۆ/ ساع |
|
|
فاكت |
نورما |
|
|
بقو |
0,08-0,23 |
0,57 |
|
اقتٶبە |
0,08-0,28 |
|
|
قوستاناي |
0,07-0,19 |
|
|
سقو |
0,10-0,16 |
|
|
پاۆلودار |
0,04-0,24 |
|
|
شقو |
0,08-0,21 |
|
ەسكە سالساق, تامىز ايىنىڭ باسىندا رەسەيدٸڭ ارحانگەلسك وبلىسى سەۆەرودۆينسك قالاسىنان 30 شاقىرىم جەردەگٸ ەسكەري بٶلٸمشەدە جارىلىس بولدى. ال ودان ٷش كٷن بۇرىن رەسەيدٸڭ كراسنويارسك ٶلكەسٸندەگٸ اچين اۋدانىندا ورنالاسقان ەسكەري بٶلٸمنٸڭ اۋماعىندا جارىلىس بولىپ, ٶرت شىقتى.
