«Qazgidromet» RMK basshylyǵy para aldy degen kúdikpen óz qyzmetkerleriniń ustalýyna qatysty túsinikteme berdi, dep habarlaidy "Ult aqparat".
«QR Ulttyq qaýipsizdik komitetiniń habarlamasyna sáikes, kúdikti retinde «Qazgidromet» RMK Qaraǵandy oblysy boiynsha filialynyń direktory R.I. Andrianov jáne «Qazgidromet» RMK bas direktorynyń orynbasary N.K. Sultanov ustaldy. «Qazgidromet» RMK júrgizilgen tergeý is-sharalaryna qoldaý kórsetip, barlyq suratylǵan materialdarǵa kedergisiz qol jetkizýdi qamtamasyz etip otyr. Sonymen birge, «Qazgidromet» RMK júrgizilgen jedel-tergeý is-sharalary jóninde habarsyz ekendigin málimdeidi», - delingen habarlamada.
Eske sala ketsek, QR Ulttyq qaýipsizdik komitetiniń baspasóz qyzmeti búgin «Qazgidromet» RMK-nyń birqatar basshylary ustalǵanyn habarlaǵan bolatyn.
«Aǵymdaǵy jyldyń 17 qańtarynda Ulttyq qaýipsizdik komiteti júrgizgen sharalar nátijesinde «Qazgidromet» RMK-nyń birqatar basshylary QR QK 366-baby 4-tarmaǵymen kózdelgen qylmysty jasady degen kúdikpen ustaldy» delingen edi habarlamada.
