«Qazgidromet» RMK 23-25 aqpan kúnderiniń aýa raiy boljamyn jariialady, dep habarlaidy "Ult aqparat".
24-25 aqpan kúnderi Almaty oblysynda jańbyr, qar jaýady. Kei jerlerde tuman túsip, kóktaiǵaq, jaiaý burqasyn bolady. Ońtústik-batystan soǵatyn jel soltústik-shyǵysqa aýysady, jeldiń kúshi kei jerlerde 15-20 m/s, ekpini 23-28 m/s bolady. 25 aqpan kúni aýa temperatýrasy 3-8 gradýs jyly bolsa, kei jerlerde -0-5 gradýs tipti -18-23 gradýsqa deiin sýytady.
23 aqpanda túnde Aqtóbe oblysynyń ońtústiginde burqasyn, kúndiz kei jerlerinde jaiaý burqasyn bolady. Jeldiń baǵyty ońtústik-shyǵystan soltústik-batysqa, soltústikke aýysady, kei jerlerinde ekpini 15-20 m/s, túnde 23 m/s bolmaq.
Aqtóbe qalasynda 23 aqpanda kúndiz jaiaý burqasyn bolady.
Erteń Batys Qazaqstan oblysynyń kei jerlerine tuman túsip, jaiaý burqasyn bolýy yqtimal. Soltústikten jel soǵady, jeldiń kúshi kei jerlerde 15-20 m/s-qa jetedi.
23 aqpanda Oral qalasynda jaiaý burqasyn bolady. Soltústikten jel soǵady, ekpini –18 m/s.
24-25 aqpanda Jambyl oblysynyń kei jerlerinde jańbyr, qar jaýady, birqatar óńirde tuman, kóktaiǵaq, jaiaý burqasyn bolady. Ońtústik-batystan jel soǵady, kúshi kei jerlerde 15-20 m/s, ekpini 23-28 m/s, oblystyń ońtústik-batysynda jeldiń ekpini 30 m/s jáne odan da joǵary bolýy yqtimal. 25 aqpanda túnde aýa temperatýrasy 10-15, kei jerlerde 18-23 gradýs aiazǵa deiin kúrt tómendeýi múmkin.
24-25 aqpanda Taraz qalasynda kei ýaqytta tuman túsip, kóktaiǵaq bolady. 23-25 aqpanda ońtústik-batystan 15-20 m/s jel soǵady, jeldiń ekpini 23-28 m/s. 25 aqpanda túnde aýa temperatýrasynyń 10-12 gradýs aiazǵa deiin barýy múmkin.
23-25 aqpanda Túrkistan oblysynda kei jerlerde jańbyr, qar jaýady, kei jerlerde tuman túsip, kóktaiǵaq, burqasyn bolýy yqtimal. Batystan, soltústik-batystan jel soǵady, kúshi kei jerlerde 15-20 m/s, ekpini 23-28 m/s, 24 aqpanda taýly shatqaldarda jeldiń ekpini 30 m/s jáne odan joǵary bolmaq.
24 aqpanda Shymkent qalasynda qatty jaýyn-shashyn (jańbyr, qar), burqasyn, kóktaiǵaq kútiledi. Batystan, soltústik-batystan jel soǵady, 23 aqpanda kúndiz, 24 aqpanda táýlik boiy jeldiń kúshi 15-20, ekpini 23 m/s bolady.
24 aqpanda Túrkistan qalasynda burqasyn, kóktaiǵaq bolady. Batystan, soltústik-batystan jel soǵady, 23 aqpanda kúndiz, 24 aqpanda táýlik boiy jeldiń kúshi – 15-20, ekpini – 23 m/s.
23 aqpanda Aqmola oblysynda kúndiz kei jerlerde qalyń qar túsedi. 23-25 aqpanda kei jerlerinde burqasyn, tuman bolady. Shyǵystan, ońtústik-shyǵystan soǵatyn jel soltústik-batysqa aýysady, kúshi kei jerlerde 15-20 m/s, ekpini 23-28 m/s bolady.
23-25 aqpanda Kókshetaý qalasynda jaiaý burqasyn boljanady, shyǵystan, ońtústik-shyǵystan soltústik-batysqa aýysatyn jeldiń ekpini 15-20 m/s-qa jetedi.
24 aqpanda Qyzylorda oblysynda aýa temperatýrasy 15-20, kei jerlerde 23 gradýs aiazǵa deiin kúrt tómendeýi yqtimal.
23 aqpanda Qyzylorda oblysynyń kei jerlerinde kóktaiǵaq, burqasyn bolýy múmkin. Jel ońtústikten batysqa aýysyp soǵady, kúshi túnde kei jerlerde 15-20 m/s, kúndiz 15-20, kei jerlerde 23-28 m/s-qa kúsheiýi yqtimal.
23 aqpanda Qyzylorda qalasynda kúndiz kóktaiǵaq, burqasyn boljanady. Jel ońtústikten batysqa aýysyp soǵady, ekpini 15-20 m/s bolady.
23-24 aqpanda Qaraǵandy oblysynyń kei jerlerinde tuman túsip, jaiaý burqasyn bolady. Jel ońtústik-shyǵystan, ońtústikten soǵady, kei jerlerinde kúshi 15-20, ekpini 23-28 m/s-qa deiin kúsheiýi yqtimal.
23 aqpanda Qaraǵandy qalasynda jaiaý burqasyn bolady. Jel ońtústik-shyǵystan, ońtústikten soǵady, kúndiz ekpini 15-20 m/s bolady.
23 aqpanda kúndiz Jezqazǵan qalasynda jaiaý burqasyn bolyp, jel ońtústik-shyǵystan, ońtústikten soǵady, ekpini – 15-20 m/s bolady.
23 aqpan Atyraý oblysynyń kei jerlerinde jaiaý burqasyn kútiledi. Soltústik-batystan jel soǵady, túnde kei jerlerde, kúndiz kóp bóliginde jeldiń kúshi 15-20 m/s-qa deiin kúsheiýi yqtimal.
23 aqpan túnde Atyraý qalasynda jaiaý burqasyn bolady. Soltústik-batystan jel soǵady, ekpini – 15-20 m/s.
