«Qazgidromet» RMK kúnnniń qatty ysýyna bailanysty respýblikanyń 10 oblysynda aýa raiyna bailanysty eskertý jariialady, dep habarlaidy "Ult aqparat".
2 tamyzda Mańǵystaý oblysynyń kei jerlerinde erekshe órt qaýipi týyndaidy.
Qyzylorda oblysynda 2 tamyz kúndiz jel soltústik-shyǵystan soǵady, kúshi kúndiz kei jerlerde 15-20 m/s bolady da, sońǵy shańdy daýylǵa ulasady. Kúndiz 42 gradýs aptap ystyq bolady. Tótenshe órt qaýpi saqtalady. Qyzylorda qalasynda 2 tamyz kúni 41 gradýs qatty ystyq bolady.
Aqmola oblysynyń kei jerlerinde 2 tamyz kúni naizaǵai oinap, soltústik-batystan jel soǵady, kúshi kei jerlerinde 15-20 m/s jetedi.
Batys Qazaqstan kei jerlerinde 41 gradýs ystyq bolady, tótenshe órt qaýipi saqtalady.
Qostanai oblysynyń kei jerlerinde 2 tamyzda túnde jáne tańerteń naizaǵai oinaidy. Soltústik-batystan jel soǵyp, kúshi kei jerlerde 15-20 m/s-qa jetedi. Kúndiz oblystyń ońtústiginde 36 gradýsqa deiin aptap ystyq bolady. Oblystyń ońtústiginde tótenshe órt qaýipi saqtalady.
Jambyl oblysynyń taýly jáne taý bókterli aýdandarynda 2-4 tamyz kúnderi kúndiz naizaǵai oinap, burshaq jaýady. Kei jerlerde shańdy daýyl turady. 2-4 tamyzda soltústik-shyǵystan jel soǵyp, kei jerlerde jyldamdyǵy sekýndyna 15-20 metrge jetedi. Kúndiz 2-4 tamyzda oblystyń basym bóliginde 40 gradýsqa deiin qatty ystyq bolyp, tótenshe órt qaýpi saqtalady.
Tarazda 2-4 tamyzda kúndiz soltústik-shyǵystan jel soǵyp, ekpini 15-20 m/s bolady. 3-4 tamyzda kúndiz 38 gradýsqa deiin ystyq bolady.
Qaraǵandy oblysynyń kei jerlerinde 31 shildede men 1 tamyz kúnderi 36 gradýs qatty ystyq kútiledi. Soltústik-batystan soǵatyn jel soltústik-shyǵysqa aýysady, 2 tamyzda kei jerlerinde kúshi 15-20 m/s-ke jetedi. Kei jerlerinde óte joǵary órt qaýipi saqtalady.
Jezqazǵanda kúndiz 2 tamyzda 36 gradýs qatty ystyq kútiledi.
Túrkistan oblysynda 2 tamyzda kúndiz 40 gradýs qatty ystyq bolady. Kei jerlerde shańdy daýyl turady. Soltústik-shyǵystan jel soǵyp, kei jerlerde kúshi 15-20 m/s-qa jetedi. Kei jerlerde tótenshe órt qaýpi saqtalady. Shymkentte 2 tamyzda tańerteń jáne kúndiz soltústik-shyǵystan jel soǵady, ekpini 15-20 m/s.
Túrkistan qalasynda 2 tamyzda tańerteń jáne kúndiz soltústik-shyǵystan jel soǵady, ekpini 15-20 m/s.
2 tamyzda Soltústik Qazaqstan oblysynyń kei jerlerinde naizaǵai oinaidy. Túnde jáne tańerten kei jerlerde tuman túsedi. Soltústik-batystan jel soǵady, kúndiz kei jerlerde kúshi 15-20 m/s bolady.
Petropavlda 2 tamyzda túnde jáne tańerten tuman túsedi. Soltústik-batystan jel soǵady, kúndiz ekpini 15-20 m/s bolady.
2 tamyzda Pavlodar oblysynyń kei jerlerinde naizaǵai oinaidy, soltústik-batystan jel soǵady, naizaǵai kezinde jeldiń ekpini 15-20 m/s bolady. Kúndiz kei jerlerinde 35 gradýs aptap ystyq bolady.
Pavlodar qalasynda 2 tamyzda tańerteń jáne kúndiz naizaǵai oinap, soltústik-batystan jel soǵady, naizaǵai kezinde jeldiń ekpini 18 m/s bolady.
Kúndiz 1-5 tamyzda Aqtóbe oblysynyń kei jerlerinde 40-41 gradýs óte qatty ystyq kútiledi. Tótenshe órt qaýipi saqtalady.
