«Qazgidromet» respýblikamyq memlekettik kásipornynyń málimetteri boiynsha elimizdiń 15 óńirinde aýa raiyna bailanysty eskertý jariialandy, dep habarlaidy "Ult aqparat".
Kásiporyn taratqan málimetterge qaraǵanda, nóser jaýynǵa bailanysty Túrkistan, Jambyl, Almaty oblystarynyń taýly aýdandarynda jáne Almaty qalasyna irgeles aýmaqtarda betkeilik aǵynnyń qalyptasýy jáne ózenderdegi sýdyń deńgeii kóterilýi múmkin.
15 mamyrda Nur-Sultan qalasynda kún kúrkirep, burshaq jaýýy múmkin. Tańerteń jáne kúndiz ońtústik-batystan soqqan jeldiń ekpini sekýndyna 17-22 metr bolady. Aýa raiy boljamynyń yqtimaldylyǵy 80-90%.
Aqmola oblysynyń basym bóliginde jańbyr jaýady degen boljam bar. Kei jerlerde naizaǵai oinap, daýyl turyp, burshaq jaýýy múmkin. Jel ońtústik-batystan soltústik-batysqa qarai soǵyp, túnde kei jerlerde sekýndyna 15-20 metr, kúndiz 15-20, kei jerlerde sekýndyna 23 metr bolady.
Almaty qalasynda nóser jaýyn, burshaq jaýyp, jel turyp, naizaǵai oinap, jeldiń ekpini sekýndyna 15 metrge jetedi. Almaty oblysynda nóser jaýyn, burshaq jaýyp, naizaǵai oinap, daýyl soǵýy múmkin. Naizaǵai kezinde jeldiń ekpini sekýndyna 17-22 metrge jetedi.
Shymkent qalasynda naizaǵai oinap, daýyl soǵady. Naizaǵai kezindegi jeldiń ekpini sekýndyna 15-20 metrge jetedi.
Túrkistan oblysynda nóser jaýyn, burshaq jaýyp, naizaǵai oinap, naizaǵai kezinde jeldiń ekpini sekýndyna 15-20 metr bolady.
Qyzylorda oblysynda kei jerlerde tuman túsip, kóktaiǵaq bolyp, jeldiń ekpini sekýndyna 15-20 metrge jetedi.
Qaraǵandy oblysynyń kei jerlerinde kún kúrkirep, jel sekýndyna 15-20 metr jyldamdyqpen uitqidy.
Qostanai oblysynda nóser jaýyn, burshaq jaýyp, naizaǵai oinap, jeldiń ekpini sekýndyna 15-20 metrge jetedi.
Pavlodar oblysynda jeldiń ekpini sekýndyna 15-20 metrge, kei jerlerde 23 metrge jetedi.
Soltústik Qazaqstan oblysynda jańbyr jaýyp, kei jerlerde nóserletedi. Sondai-aq naizaǵai oinap, daýyl turyp, burshaq jaýady, jeldiń ekpini sekýndyna 15-20 metrge jetedi.
Tótenshe jaǵdailar komiteti azamattardy aýa raiyn baqylap otyrýǵa, aýa raiyna bailanysty eskertýlerdi tyńdap, qajetti saqtyq sharalaryn saqtaýǵa shaǵyrady.
«Aýa raiyna bailanysty eskertýlerde jeldiń ekpini sekýndyna 15-20 metrge, tipti sekýndyna 30 metrge jetýi múmkin ekendigi aitylady. Osyǵan qarai, ártúrli eldi mekenderde qaýipsizdik tehnikasy boiynsha erejelerdi saqtaýǵ shaqyramyz. Shaǵyn qalalar men megapolisterde daýyl óte qaýipti»,-delingen habarlamada.
Osy oraida tótenshe jaǵdailar qyzmeti turǵyndardy eskertedi:
Terezeler! Qatty daýyl kezinde úidegi nemese páterdegi barlyq terezeler myqty jabylýy tiis.
Balkondar! Shynylanbaǵan balkondar men lodjiialardan qatty jel kezinde syrtqa túsýi múmkin barlyq zattardy (qumyralar, bankalar, jáshikter, shólmekter jáne t.b.) alyp tastaý kerek. Shynylanbaǵan balkondardan daýyl kezindegi ramalarmen birge eski terezeler ushyp ketken jaǵdailar boldy.
Kóshede! Kóshede daýyl turǵan kezde jarnama qalqandarynan (jáne basqa da aspaly qurylymdardan), avtobýs aialdamalarynan, elektr berý jelilerinen, sondai-aq aǵashtardan múmkindiginshe alys júrińiz. Ainalańyzǵa qarańyz, ózińizdi jan-jaǵyńyzdaǵy adamdarǵa qulap ketýi múmkin zattardy baiqańyz. Qulaýy múmkin úzilgen symdar men syrǵityn zattarǵa (aǵashtarǵa) jaqyndaýǵa bolmaidy.
Panalaý! Qatty jel bolǵan jaǵdaida jaqyn mańdaǵy ǵimarattan nemese basqa jerden yq taýyp, jel saiabyrsyǵansha saialai turý kerek.
Úlken aǵashtar! Úlken aǵashtardyń astyna avtokólik qoiýǵa bolmaidy, óitkeni aǵash qulaǵan kezde basyp qalýy múmkin. Shirigen jáne eski, sondai-aq jalǵyz turǵan aǵashtar óte qaýipti.
«Úide qalyńyzdar, ózińizdi jáne jaqyndaryńyzdy qorǵańyzdar»-deidi QR IIM TJK baspasóz qyzmeti.
