«Qazgidromet» Almaty oblysyndaǵy poligon órtengen jerdegi aýa synamasyn taldaýdan ótkizdi, dep habarlaidy "Ult aqparat" kásiporynnyń baspasóz qyzmetine silteme jasap.
«Almaty oblysynyń Ile aýdanynda qatty turmystyq qaldyqtar poligonynda «Almaty-Óskemen» avtojolynyń mańynda órt shyqty. Oqiǵa ornyna «Qazgidromet» RMK Almaty qalasy boiynsha filialy men Almaty qalalyq ekologiia departamenti qyzmetkerleri birge bardy. Ekologiia departamenti, «Taza alem» JShS jáne «Taza jer» JShS ókilderiniń qatysýymen «Qazgidromet» RMK mamandary poligonnyń órt shyqqan aýdanynda birneshe núktede aýa synamasyn alyp, taldaý júrgizdi» delingen habarlamada.
Jospardan tys irikteý jáne taldaý nátijeleri boiynsha shekti ruqsat etilgen shoǵyrlaný mynadai boldy:
- órt shyǵý oshaǵynan 1 km qashyqtyqta - kúkirt dioksidi boiynsha 1.02 ShRSh;
- órt shyǵý oshaǵynan 1.5 shaqyrym jerde: formaldegid boiynsha - 1.82 ShRSh, kúkirt dioksidi boiynsha - 1.48 ShRSh asyp ketýi tirkelgen.
