Foto: inform.kz
2024 jylǵy 6-7 mamyr aralyǵynda qatty jaýyn-shashyn boljamyna bailanysty Jetisý oblysynyń taý jáne taý etegindegi aimaqtarda betkeilik aǵyndynyń qalyptasýy jáne ózenderde sý deńgeileriniń kóterilýi kútiledi, sonymen qatar sýdyń jaiylýy men sý basýy múmkin dep habarlaidy "Ult Aqparat" Qazgidromettiń baspasóz hatshysy Alina Ysmaǵulovanyń sózine silteme jasap.
Mamannyń eskertýi boiynsha, qaýipti deńgeiden asyp ketken jaǵdaida, ózenderdiń jaiylma aýmaqtarynda ornalasqan eldi mekenderdi, sharýashylyq qurylystardy jáne jergilikti mańyzy bar joldardy sý basý qaýpi saqtalady.
"Sondai-aq, QR basym bóliginde atmosferalyq frontaldy bólimderdiń ótýimen turaqsyz aýa-raiy saqtalady, naizaǵaimen jańbyr jaýady, túnde eldiń ońtústiginde, ońtústik-shyǵysynda jáne shyǵysynda qatty jańbyr jaýady. Tek soltústikte, eldiń ortalyǵynda jaýyn-shashynsyz aýa-raiy. Respýblika boiynsha jeldiń kúsheiýi kútilýde, ońtústikte, ońtústik-shyǵysta – daýyl, ońtústik-shyǵysta – burshaq, soltústik-batysta, ońtústikte, ortalyqta – tuman", -dep otyr Alina Ysmaǵulova.
Túnde Aqmola, Soltústik Qazaqstan oblystarynda, Qostanai oblysynda 1-6 gradýs úsik saqtalady, Aqtóbe oblysynyń soltústiginde saqtalady, Pavlodar, Qaraǵandy oblystarynyń batysynda, soltústiginde 3 gradýs úsik kútiledi.
Mańǵystaý oblysynyń basym bóliginde, Atyraý oblysynyń batysynda, soltústiginde, shyǵysynda, Qaraǵandy oblysynyń batysynda, ońtústiginde, ortalyǵynda, Ulytaý oblysynyń shyǵysynda, ortalyǵynda, Qyzylorda oblysynyń batysynda, Aqtóbe oblysynyń ońtústik-batysynda joǵary órt qaýpi saqtalady.
