Foto:depositphotos.com
Qazgidromet Astana jáne taǵy birneshe qalanyń turǵyndaryna eskertý jasady, - dep habarlaidy Ult.kz.
"28 naýryzda Kókshetaý, Pavlodar, Óskemen, Semei, Ridder, Oral, Atyraý, Aqtóbe, Aqtaý, Astana qalalarynda, túnde Petropavl qalasynda qolaisyz meteorologiialyq jaǵdaiǵa bailanysty aýa lastanady", - dep jazylǵan habarlamada.
Qolaisyz meteorologiialyq jaǵdai - aýanyń betki qabatynda ziian zattar shoǵyrlanýyna yqpal etetin qysqa merzimdi meteofaktorlar (tymyq aýa raiy, jel, tuman) jiyntyǵy.
Eske salaiyq, buǵan deiin 27, 28, 29 naýryzǵa arnalǵan aýa raiy boljamy jariialandy.
Aldaǵy kúnderi aýa raiyna Qazaqstan aýmaǵynyń basym bóligin qamtityn antitsiklon áser etedi. Sondyqtan eldiń ońtústiginde, ońtústik-shyǵysynda jańbyr men qar túrinde jaýyn-shashyn jaýady. Keibir óńirlerde tuman túsip, jel kúsheiedi.
