«Qazavtojol» ulttyq kompaniiasynyń basqarma tóraǵasynyń orynbasary Talǵat Smaǵulov uzyn jolda jol-kólik oqiǵalary jii tirkeletin bes aimaqty atady, dep habarlaidy "Ult aqparat".
«Osy jyldyń 9 aiynyń qorytyndysy boiynsha Qazaqstandaǵy halyqaralyq jáne respýblikalyq mańyzy bar joldarda 1 383 jol-kólik oqiǵasy tirkeldi. Osynyń saldarynan 454 adam kóz jumyp, 2 160 adam ártúrli jaraqat aldy. Ótken jyldyń 9 aiymen salystyrǵanda jol-kólik oqiǵalarynyń 13 paiyzǵa azaiǵany baiqalady. Qaitys bolǵandardyń sany 30 paiyzǵa, jaraqat alǵandardyń sany 22 paiyzǵa azaidy», - dedi Talǵat Smaǵulov kompaniianyń Instagram paraqshasynda suraqtarǵa jaýap bere otyryp.
Onyń aitýynsha Almaty, Aqmola, Jambyl, ShQO men Túrkistan oblystarynda jol-kólik oqiǵalarynyń kóp tirkeletini anyqtalǵan.
«Áitse de osy oblystarda respýblikalyq jáne halyqaralyq mańyzy bar joldardyń 26 paiyzdyq bóligi ǵana jatyr. Bizdiń ońtústik óńirde halyq tyǵyz ornalasqan. Sonymen qatar SQO, Qaraǵandy men Qostanai oblystarynyń joldarynda da jol-kólik oqiǵalarynyń artqany baiqalady», - deidi Talǵat Smaǵulov.
