Foto ashyq derekkózden alyndy
Jol qurylysy salasynda zań buzý faktileri toqtar emes jáne normalar saqtalmaidy. Bul týraly senator Andrei Lýkin óziniń depýtattyq saýalynda jariialady, dep habarlaidy QazAqparat.
Senator bul salada aqshany tiimsiz paidalaný jáne jymqyrý faktilerimen qatar, sheneýnikterdiń ókilettigin asyra paidalaný derekteri de bar ekenin atap ótti.
«Bul saladaǵy júieli kemshilikter joiylǵan joq. Keibir merdiger uiymdarǵa qatysty konkýrstyq rásimderdi ótkizý kezinde sybailas jemqorlyq belgileri bar tiisti artyqshylyqtar saqtalady. «Kvazimemlekettik sektordyń jekelegen sýbektileriniń satyp alý týraly» QR Zańynyń 4-babyn buza otyryp, «QazAvtoJol» bir kózden alý tásilimen jalpy somasy 8 mlrd-tan astam teńgege zańsyz kelisimshart jasaǵan», - dedi depýtat.
Lýkin jol salasyna qomaqty biýdjet qarajaty bólinip jatqanyna qaramastan, kólik infraqurylymyn damytý jáne tranzittik áleýetti arttyrý tiisti deńgeide emes ekenin basa aitty. Bul rette memleket qarajatyn ysyrap etý, jymqyrý jáne basqa da sebepter salany damytýǵa keri áser etip otyr.
Osy oraida depýtat Ministrler kabinetiniń basshysyna Avtomobil joldary komiteti men «QazAvtoJol» kásipornynyń jumysyn baqylaýdy kúsheitýdi usyndy.
«Sonymen qatar merdigerlerden aiyppuldardy óndirip alý, sondai-aq tiimdi tehnologiialardy keńinen qoldanýdy qamtamasyz etý boiynsha aldyńǵy qatarly sheteldik tájiribeni eskere otyryp, joldardy sapaly salý jáne jóndeý úshin tiisti sheshimge kelýdi usynamyn», - dedi senator.
