Energetika ministrliginiń Atomdyq jáne energetikalyq qadaǵalaý men baqylaý komiteti «Qazatomónerkásip» UAK» AQ-ǵa qatysty jospardan tys tekserý júrgizdi, dep habarlaidy "Ult aqparat".
Bul buryn júrgizilgen tekserýdiń nátijesi boiynsha berilgen anyqtalǵan buzýshylyqtardy joiý týraly nusqamanyń oryndalýyn baqylaý aiasynda júrgizildi.
Ministrlik málimetinshe, tekserý nátijeleri boiynsha uiǵarymdy oryndamaý faktisi, atap aitqanda iadrolyq materialdardy memlekettik esepke alý erejeleriniń talaptaryn buzý faktisi boiynsha ákimshilik quqyq buzýshylyq týraly is qozǵaldy.
Atalǵan ákimshilik is Nur-Sultan qalasynyń mamandandyrylǵan aýdanaralyq ákimshilik sotynda qaralyp, «Qazatomónerkásip «UAK» AQ-ny ákimshilik jaýapkershilikke tartý týraly sheshim shyǵaryldy.
Eske salsaq, ótken jyldyń sońynda «Qazatomónerkásip» kompaniiasy ákimshilik jaýapkershilikke tartylǵan bolatyn.
