Májilis depýtaty Pavel Kazantsev Nurjan Áltaevtyń ne sebepti Nur Otan partiiasynan shyǵarylǵanyn aitty, dep habarlaidy Sputnik.
Partiianyń baqylaý otyrysynda Áltaevtyń "Nur Otan partiiasynyń bedelin túsiretin jáne onyń múddesine nuqsan keltiretin" áreketter jasaǵany aityldy.
Bul birqatar qoǵamdyq málimdemede, sonyń ishinde jańa saiasi partiia qurý nieti kezinde baiqalǵanyn atap ótti. Partiianyń Nur-Sultan qalasy filialy saiasi keńesiniń biýrosy Áltaevty Nur Otan quramynan shyǵardy.
"Saiasatkerdiń shýly málimdemeler jasaýynyń birneshe sebebi bolýy múmkin. Muny onyń kózge túskisi keletini, media men qoǵamdyq-saiasi salada kez kelgen jolmen tanyýǵa degen umtylysy dep túsinýge bolady. Mundai jaǵdai saiasi mansap bastalyp jatqan kezinde bolady. Qoǵam aldynda júrgen árbir adam jaýapkershilik ólshemi men memlekettiń syrtqy saiasi qyzmetine áser etetin málimdemeler men áreketiniń saldaryn naqty túsinýi qajet", - dep jazdy Nur Otan partiiasynyń baqylaý tóraǵasy Pavel Kazantsev Facebook paraqshasynda.
Usynystar men talaptardy partiianyń dialog alańdaryna aitýǵa bolady, dep esepteidi ol.
"Nur Otan partiiasynyń quramynda bolyp, onyń saiasi jáne media resýrstaryn paidalana otyryp, tipti májilis depýtatynyń pozitsiiasynda turǵan kezde jańa partiia qurý jónindegi málimdeme men is-áreketter – bul kereǵar qylyq nemese tájiribeniń azdyǵy da emes, bul jerde basqa birdeńe bar", - dep qorytyndylady Kazantsev.
Ortalyq sailaý komissiiasy májilis depýtaty Nurjan Áltaevtyń ókilettiligin toqtatty. Áltaevtyń ózi bul jaǵdaiǵa áli túsinikteme bergen joq, ol baspasóz konferentsiiasyna shyǵýǵa daiyndalyp jatyr.
Buǵan deiin 27 qarashada Nurjan Áltaev El Tiregi ónerkásipshileri men kásipkerleri odaǵynyń negizinde óz partiiasyn qurý týraly málimdedi. Ol Qazaqstanda saiasi pliýralizm joq ekenin, tek Nur Otan partiiasy bar ekenin aitty.
