Qazan aiynyń alǵashqy jeksenbisinde Qazaqstanda muǵalimder kúni atalyp ótedi, dep habarlaidy QazAqparat.
Muǵalimder kúni - bilim salasyndaǵy qyzmetkerlerdiń kásibi meiramy. Bul kún 1965 jyly 29 qyrkúiekte KSRO Joǵarǵy Keńesi Prezidýmynyń Buiryǵymen qazannyń alǵashqy jeksenbisine belgilengen.
Qazirgi ýaqytta Qazaqstan, Ázerbaijan, Belarýs, Qyrǵyzstan, Latviia jáne Ýkraina Muǵalimder kúnin qazannyń alǵashqy jeksenbisinde toilaidy.
QR Bilim jáne ǵylym ministrliginiń málimetine sáikes, Qazaqstanda 289 851 muǵalim jumys isteidi. Onyń ishinde jekemenshik mektepterde - 3303, arnaiy jalpy bilim beretin mektepterde – 3014 jáne qalǵany memlekettik mektepterde bilim beredi.
Aita keteiik, Memleket basshysy Qasym-Jomart Toqaev áleýmettik jeli arqyly barlyq muǵalimderdi kásibi merekemen quttyqtady.
«Ustazdar - balalarǵa bilim berip, urpaǵymyzdy otanshyldyq rýhynda tárbieleitin keremet jandar. Elimizdiń laiyqty azamattary - muǵalimderge árqashan qoldaý kórsetemiz», - dedi QR Prezidenti.
3 qazanda «Úzdik pedagog» respýblikalyq baiqaýynyń jeńimpazdary marapattaldy. Onda 64 muǵalimge bir million teńgeden syiaqy berildi.
