Qazaqstanda ótken qazan aiynda onyń aldyńǵy qyrkúiek aiymen salystyrǵanda azyq-túlik taýarlarynyń baǵasy – 0,7%, azyq-túlik emes taýarlarynyń baǵasy – 1%, aqyly qyzmetter quny 0,5% qymbattady, dep habarlaidy QazAqparat.
QR Strategiialyq josparlaý jáne reformalar agenttigi Ulttyq statistika biýrosynyń málimetine sáikes, baǵanyń ósýi jumyrtqaǵa – 7,2%, jańa jinalǵan kókónisterge – 5,5%, qumsheker men qus etine – 1,4%, kartopqa – 1,2%, nanǵa – 0,7%, pasterlengen sútke – 0,6%, airanǵa, shoshqa etine, qaraqumyq jarmasyna – 0,5%, shujyq, makaron ónimderine jáne unǵa 0,4% tirkeldi. Al jańa jinalǵan jemister baǵasy kerisinshe, 1,5% arzandaǵan.
Baǵanyń qymbattaýy, sondai-aq avtomobilderge – 3,4%, turmystyq taýarlarǵa – 1,1%, kiim jáne aiaq kiimge, farmatsevtikalyq ónimderge 0,4% baiqaldy. Jazǵy dizel otyny – 16,6%, ballondaǵy suiytylǵan gaz – 6,4%, aǵash – 2,6%, tas kómir – 2%, benzin 0,9% qymbattady.
Qoǵamdyq tamaqtandyrý jáne monsha qyzmetteriniń quny – 1%, densaýlyq saqtaý qyzmetteri – 0,5%, shashtarazdar men sulýlyq salondary qyzmetteri 0,4% artqan.
Turǵyn úidi jalǵa berý úshin tólem 1,1% ósti. Qalaaralyq avtobýspen jol júrý – 0,8%, taksimen jol júrý 0,6% qymbattady. Aviabiletter kerisinshe, 2,4% arzandady.
Turǵyn úi-kommýnaldyq qyzmetter salasynda tarifter elektr energiiasyna – 1,1%, ystyq sýǵa – 0,2% ósti, al ortalyqtan jylytý 0,4% tómendedi.
