قازان ايىندا ەلٸمٸزدە نە قىمباتتادى - ستاتيستيكا

قازاقستاندا ٶتكەن قازان ايىندا ونىڭ الدىڭعى قىركٷيەك ايىمەن سالىستىرعاندا ازىق-تٷلٸك تاۋارلارىنىڭ باعاسى – 0,7%, ازىق-تٷلٸك ەمەس تاۋارلارىنىڭ باعاسى – 1%, اقىلى قىزمەتتەر قۇنى 0,5% قىمباتتادى, دەپ حابارلايدى قازاقپارات.

قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنىڭ مەلٸمەتٸنە سەيكەس, باعانىڭ ٶسۋٸ جۇمىرتقاعا – 7,2%, جاڭا جينالعان كٶكٶنٸستەرگە – 5,5%, قۇمشەكەر مەن قۇس ەتٸنە – 1,4%, كارتوپقا – 1,2%, نانعا – 0,7%, پاستەرلەنگەن سٷتكە – 0,6%, ايرانعا, شوشقا ەتٸنە, قاراقۇمىق جارماسىنا – 0,5%, شۇجىق, ماكارون ٶنٸمدەرٸنە جەنە ۇنعا 0,4% تٸركەلدٸ. ال جاڭا جينالعان جەمٸستەر باعاسى كەرٸسٸنشە, 1,5% ارزانداعان. 

باعانىڭ قىمباتتاۋى, سونداي-اق اۆتوموبيلدەرگە – 3,4%, تۇرمىستىق تاۋارلارعا – 1,1%, كيٸم جەنە اياق كيٸمگە, فارماتسەۆتيكالىق ٶنٸمدەرگە 0,4% بايقالدى. جازعى ديزەل وتىنى – 16,6%, باللونداعى سۇيىتىلعان گاز – 6,4%, اعاش – 2,6%, تاس كٶمٸر – 2%, بەنزين 0,9% قىمباتتادى.

قوعامدىق تاماقتاندىرۋ جەنە مونشا قىزمەتتەرٸنٸڭ قۇنى – 1%, دەنساۋلىق ساقتاۋ قىزمەتتەرٸ – 0,5%, شاشتارازدار مەن سۇلۋلىق سالوندارى قىزمەتتەرٸ 0,4% ارتقان. 

تۇرعىن ٷيدٸ جالعا بەرۋ ٷشٸن تٶلەم 1,1% ٶستٸ. قالاارالىق اۆتوبۋسپەن جول جٷرۋ – 0,8%, تاكسيمەن جول جٷرۋ 0,6% قىمباتتادى. اۆيابيلەتتەر كەرٸسٸنشە, 2,4% ارزاندادى.

تۇرعىن ٷي-كوممۋنالدىق قىزمەتتەر سالاسىندا تاريفتەر ەلەكتر ەنەرگيياسىنا – 1,1%, ىستىق سۋعا – 0,2% ٶستٸ, ال ورتالىقتان جىلىتۋ 0,4% تٶمەندەدٸ.