Sinoptikter qazan aiynda aýa raiy qandai bolatyndyǵyn aitty, dep habarlaidy "Ult aqparat".
Qazan – kúzden qys mezgiline aýysý ýaqyty. Osy aida aýa raiy, ásirese soltústik óńirlerde, óziniń tosynsyilaryn usynady. Munda tipti burqasyn bolýy múmkin, al eń sýyq jyldary qar jamylǵysy da paida bolýy múmkin.
«Konsýltativtik boljamǵa sáikes 2020 jyldyń qazan aiynda Qazaqstannyń soltústik-shyǵys, ortalyq, ońtústik-shyǵys óńirlerine sýyq arktikalyq aýa massalarynyń jii kelýi jáne Jerorta teńiziniń shyǵys jaǵalaýynan elimizdiń ońtústik-batysyna jylýdyń shyǵarylýy kútiledi. Nátijesinde ortasha ailyq aýa temperatýrasy respýblikanyń basym bóliginde klimattyq norma shamasynda bolady dep kútiledi. Qazaqstannyń ońtústik-batys jartysynda normadan 1°S joǵary, elimizdiń soltústik-shyǵys bóliginde normadan 1°S tómen bolady», - deidi Qazgidromet mamandary.
Aǵymdaǵy jyldyń qazan aiynda jaýyn-shashyn mólsheri Qazaqstannyń basym bóliginde normaǵa jýyq, elimizdiń soltústik-shyǵys jartysynda jáne Almaty oblysynyń shyǵysynda normadan kóp bolady dep boljanady.
Aldaǵy kúnderi respýblikanyń basym bóliginde qurǵaq jáne shýaqty aýa raiy kútiledi. Elimizdiń soltústik jartysynda aýa temperatýrasy túnde -2+7°S, kúndiz aýa birtindep +12+20°S deiin jylynady, ońtústik jartysynda jáne batysta - túnde +5+13°S, kúndiz +17+25°S bolady dep kútiledi. 5 qazannan bastap Soltústik tsiklonmen jáne arktikalyq atmosferalyq fronttardyń ótýimen jaýyn-shashyn túsedi. Soltústik jartysynda jańbyrdyń arty ylǵaldy qarǵa aýysýy múmkin, tuman jáne jeldiń ekpini 15-23 m/s deiin kúsheiýi múmkin. Jaýyn-shashynnyń toqtaýymen kúzge tán sýyq túnder men ashyq jelsiz kúnder keledi. Tek elimizdiń batysynda, ońtústik-batysynda jaýyn-shashynsyz aýa raiy saqtalady. Birinshi onkúndikte aýa temperatýrasy:
batysta kezeńniń ortasynda túnde 0,+5°S deiin, kúndiz +12+17°S deiin;
soltústikte, soltústik-batysta, ortalyqta jáne shyǵysta kezeńniń ortasynda jáne sońynda túnde -1-8°S deiin, kúndiz 0,+7°S deiin;
ońtústikte, ońtústik-shyǵysta onkúndiktiń sońynda túnde 0,+5°S deiin, taýly jáne taý bókterindegi aýdandarda 3 gradýsqa deiin úsik júrýi múmkin, kúndiz +7+12°S deiin;
ońtústik-batysta onkúndiktiń ortasynda túnde +5+12°S deiin, kúndiz +15+20°S deiin tómendeýi kútiledi.
Birinshi onkúndiktiń sońynda aýa temperatýrasy aldymen Qazaqstannyń batysynda, sodan keiin respýblikanyń qalǵan aýmaǵynda kóteriledi.
Qazannyń ekinshi jáne úshinshi onkúndiginde Qazaqstan aýmaǵynyń basym bóliginde turaqsyz aýa raiy boljanady: jańbyr – negizinen ońtústik jáne batys óńirlerde, jaýyn-shashyn (jańbyrdyń arty ylǵaldy qarǵa aýysady) – soltústik, ortalyq, shyǵys óńirlerde, sondai-aq eldiń ońtústik-shyǵysynyń taýly jáne taý bókterindegi aýdandarynda boljanady.
Jylý tolqyndarmen jekelegen kúnderi QR ońtústik-batys, ońtústik jáne ońtústik-shyǵys jartysynda kúndiz aýa temperatýrasy +15+25°S deiin, soltústikte, ortalyqta jáne shyǵysta +10+20°S deiin jylynýy múmkin.
Sýyq tolqyndarmen aýa temperatýrasy:
QR soltústik-batys, soltústik, ortalyq jáne shyǵys óńirlerinde túnde -1-10°S deiin, kúndiz 0,+5°S deiin;
elimizdiń ońtústik jáne ońtústik-batys jartysynda túnde -5+5°S deiin, kúndiz +2+10°S deiin tómendeýi múmkin.
