2020 jyldyń qazanyna deiin elimizdiń barlyq aýdandyq aýrýhanalary tsifrlyq rentgen-apparattarymen 100 paiyz qamtamasyz etiledi. Bul týraly QR Densaýlyq saqtaý ministri Aleksei Tsoi Facebook-paraqshasynda jazdy, dep habarlaidy "Ult aqparat".
«Koronavirýs infektsiiasynyń pandemiiasy aiaqtalǵan joq. Biz qazan aiynda-aq JRVI jáne tumaý maýsymymen qatar kútilip otyrǵan jańa tolqynǵa daiyn bolýymyz kerek. Densaýlyq saqtaý ministrligi jergilikti atqarýshy organdarmen birge aldaǵy kúz-qys kezeńine belsendi daiyndalyp jatyr. El dárihanalaryna 10 millionnan astam qaptama dári-dármek jetkizildi. Biryńǵai destribiýter respýblikanyń meditsinalyq uiymdaryn dári-dármektiń bir ailyq qorymen qamtamasyz etti jáne 30 qyrkúiekke deiin 24 mlrd teńgege qosymsha eki ailyq qor qalyptastyrylatyn bolady», - dedi ol.
Ministrdiń atap ótýinshe, «SQ-Farmatsiia» bazasynda Respýblikalyq turaqtandyrý qory quryldy. Munan bólek, elimizdiń 11 óńirinde óńirlik turaqtandyrý qorlarynyń qurylǵany belgili bolyp otyr.
«Aýrhanalardy jabdyqtaý úshin qosymsha 2 578 ókpeni jasandy jeldetý apparaty satyp alyndy. Onyń 1500-in otandyq taýar óndirýshileri óndirgen. 1078 apparat jergilikti biýdjetterdiń, demeýshilik kómektiń jáne Dúniejúzilik banktiń qarajatyna alyndy. 23 890 tósek-oryn ottegimen, onyń ishinde 13 153-i ottegi kontsentrattary arqyly qamtamasyz etiletin bolady. 2020 jyldyń qazanyna deiin elimizdiń barlyq aýdandyq aýrýhanalaryn tsifrlyq rentgen-apparattarymen 100 paiyz qamtý josparlanyp otyr», - dedi Aleksei Tsoi.
