Belgili telejúrgizýshi Almas Altai «Óz oiym» tok shoýynda «Qazaq arýy – 2018» ataǵyn jeńip alǵan Nábira Rahymjan men «Qazaqstan arýy» Álfiia Ersaiyndy ábden synap aldy. Qyzdarymyz tom-tom kitaptaǵy úzindilerdi qoia turyp, qazaq jazýshylarynyń atyn bilmei masqara boldy.
Tok shoýǵa qonaqqa kelgen qyzdar alǵashqy suraqtan-aq jyǵyla ketti. Olar áigili «Qan men ter» trilogiiasynyń avtoryn suraǵanda únsiz qalyp, jurtty shoshytty. Odan qalsa, taǵy da mektep baǵdarlamasynda jastanyp oqityn «Aqbilek» romanynyń avtoryn bilmei sasty.
Jeli qoldanýshylary sulýlyq baiqaýy tek syrt kelbetke qarap synalmaýy kerek dep pikir bildirdi. Tipti keibiri «Boi túzemesten buryn, oi túzep alyńdar» dep renishterin bildirdi.
