بەلگٸلٸ تەلەجٷرگٸزۋشٸ الماس التاي «ٶز ويىم» توك شوۋىندا «قازاق ارۋى – 2018» اتاعىن جەڭٸپ العان نەبيرا راحىمجان مەن «قازاقستان ارۋى» ەلفييا ەرسايىندى ەبدەن سىناپ الدى. قىزدارىمىز توم-توم كٸتاپتاعى ٷزٸندٸلەردٸ قويا تۇرىپ, قازاق جازۋشىلارىنىڭ اتىن بٸلمەي ماسقارا بولدى.
توك شوۋعا قوناققا كەلگەن قىزدار العاشقى سۇراقتان-اق جىعىلا كەتتٸ. ولار ەيگٸلٸ «قان مەن تەر» تريلوگيياسىنىڭ اۆتورىن سۇراعاندا ٷنسٸز قالىپ, جۇرتتى شوشىتتى. ودان قالسا, تاعى دا مەكتەپ باعدارلاماسىندا جاستانىپ وقيتىن «اقبٸلەك» رومانىنىڭ اۆتورىن بٸلمەي ساستى.
جەلٸ قولدانۋشىلارى سۇلۋلىق بايقاۋى تەك سىرت كەلبەتكە قاراپ سىنالماۋى كەرەك دەپ پٸكٸر بٸلدٸردٸ. تٸپتٸ كەيبٸرٸ «بوي تٷزەمەستەن بۇرىن, وي تٷزەپ الىڭدار» دەپ رەنٸشتەرٸن بٸلدٸردٸ.
