"Qazaqtelekom" AQ jáne Woosong University Kazakhstan Bilim berý baǵdarlamalaryn damytyp, jas mamandardy qoldaý jáne birlesken zertteý jobalaryn engizýge baǵyttalǵan yntymaqtastyq týraly Memorandýmǵa qol qoidy.
Ýniversitetpen áriptestik stýdentterge "Qazaqtelekom" AQ-da dýaldy oqytý men tájiribeden ótýge, kompaniianyń ozyq tsifrlyq sheshimderimen tanysyp, aqparattyq tehnologiialar men jasandy intellekt salasyndaǵy jobalarǵa qatysýǵa múmkindik beredi. Áleýeti joǵary stýdentter úshin odan ári jumysqa ornalasý múmkindigi qarastyrylǵan. Sondai-aq, tsifrlyq tehnologiialar salasyndaǵy bilikti mamandardy daiarlaýǵa baǵyttalǵan birlesken seminar, konferentsiia men bilim berý bastamalaryn ótkizý josparlanǵan.
Qujatqa "Qazaqtelekom" AQ Bas ákimshilik direktory Erjan Meiramov jáne WOOSONG University Kazakhstan ákimshilik máseleler jónindegi dekany Djong Olg Hva qol qoidy.
"Biz úshin Qazaqstannyń tsifrlyq ekonomikasyn órge itermeleitin bolashaq mamandardy daiarlaýǵa investitsiia salý mańyzdy. Ýniversitetpen yntymaqtastyq innovatsiialardy damytý jáne jastardyń kásibi ósýi úshin berik baza qura otyryp, kompaniianyń akademiialyq áleýeti men tájiribesin biriktirýge múmkindik beredi", - dep atap ótti Erjan Meiramov.
«Qazaqtelekom» Kommnikatsiialar jáne
brendti ilgeriletý departamenti
