Memleket basshysy «Qazaqtelekom» aktsionerlik qoǵamynyń basqarma tóraǵasy Qýanyshbek Esekeevti qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa «Qazaqtelekom» kompaniialar tobynyń byltyrǵy atqarǵan jumystarynyń nátijesi týraly esep berilip, aldaǵy kezeńge arnalǵan jospary tanystyryldy.
Prezidentke 2025 jyldyń sońyna qarai 5G jelisin jedel engizý jónindegi tapsyrmasynyń oryndalý barysy týraly da baiandaldy.
Qýanyshbek Esekeevtiń aitýynsha, 7 myńnan astam bazalyq stantsiia salý jospary ázirlengen. «Qazaqtelekom» – TMD keńistiginde 5G tehnologiiasyn iske qosqan alǵashqy jáne jalǵyz kompaniia.
Budan bólek, Memleket basshysyna qyzmet sapasyn jaqsartý jumystary jóninde málimet berildi. Biyl kompaniianyń 63 myń abonentiniń eskirgen mys jelisin zamanaýi optikalyq jelige aýystyrý josparlanǵan. Sondai-aq 50 myń tutynýshy modeminiń tehnologiialyq jabdyqtary jańartylady.
Sonymen qatar Prezidentke Qazaqstan men Ázerbaijan arasynda Kaspii teńiziniń tabany arqyly Transkaspii talshyqty-optikalyq bailanys jelisin salý jobasynyń iske asyrylý barysy tanystyryldy. Bul joba Qazaqstannyń asa mańyzdy óńirlik telekommýnikatsiialyq habqa ainalýyna, el aýmaǵynan ótetin halyqaralyq trafik tranzitin ulǵaitýǵa múmkindik beredi.
Kezdesý barysynda Qasym-Jomart Toqaev ekonomikalyq jáne áleýmettik salalardy tsifrlandyrý óte mańyzdy ekenin atap ótti. Sebebi qazir jańa telekommýnikatsiialyq tehnologiialardyń múmkindikteri eldiń halyqaralyq arenadaǵy básekege qabilettilik deńgeiin aiqyndaidy.
Memleket basshysy Qazaqstan azamattaryn zamanaýi telekommýnikatsiia qyzmetterimen qamtamasyz etý qajettigine de nazar aýdaryp, kompaniianyń barlyq investitsiialyq jobasyn ýaqytyly iske asyrýdy tapsyrdy.
