Álemniń bes dúrkin chempiondary jeńildi!
Búgin Qyrǵyzstanda ótip jatqan "Kóshpendiler oiynynda" kókpardan jartylai finalda qazaqtar ózbek quramasynan jeńildi. Ózimizdiń ulttyq oiynymyzda jeńilip qalǵan kádimgidei aýyr tiedi eken.
Qazaqtardyń óz attaryn aparmaǵany da jeńiliske sebep bolǵandai. Bizde qázir jekpe-jekke jaraityn at joq eken. "Lazer" oiynnan ketkesin jaqsy at tabylmai keledi. "Saryshaian" degen Almaty obylysynan shyqqan myqty at bar edi. Ony da ózbekterge satyp jiberdik. Qyrǵyzdardyń attary myqty. Orta Aziiada kókparda olardyń "Axilesine" turatyn at joq. Odan bólek "Boika", "Gerkýles", "Kraz", t.b. myqty attary bar. Bizde jalǵyz "Namyskók" qana, onyń ózi babynda júr ma janýar, Alla biledi. Bizde de qyrǵyzdar siiaqty jaqsy attardy shetelge satýǵa bolmaidy dep tiym salyp qoisa bolar edi.
Ulttyń namysy synǵa túsken ýaqta Bishkektiń atqorasynan jylqy tańdap júrgen Qazaq jigitterin kórip júrek aýyrady eken. Sonda baiaǵy Iliias atamyz sýrettep ketken Qazaq dalasynda kósilip júrgen:
Adamnan esti janýar - Adaidyń Kókmoinaǵynan,
Qozybaidyń dúldúli - Serpindi Kók attan,
Dýlattyń - qashsa qutylyp, qýsa jetken Qumaiy men,
Shýdyń boiyn shýlatqan - Merýert joldas Aqsurdan,
Syrdyń boiyn siltidei tyiyp júrgen Qyzqaradan,
Báige bermes udaiy- Ulytaýdyń Qubaiynan,
Qypshaqtyń Aqbaqaiynan,
Arǵynnyń Alasynan,
Aldyna qara salmaǵan Kókshetaýdyń Qulasynan,
Kereidiń- Elik-qubaqanynan,
Esildiń Qasqabulasynan,
Araldyń Alaúireginen,
Jarylqaptyń Jireninen,
Jalaiyrdyń beipil Bórtesinen,
Naimannyń Surserkesinen,
Tósten túlki qoimaǵan
Tobyqtynyń tuiǵynynan,
Jaýǵashardyń Jambyltorysynan,
Albannyń aýzymen qus tistegen Aqqanat Kerimen,
Shapsa ekpini daýyldai,
Kókalasynan - namysqa shabatyn qulyn túspegen ba?
Qazaqta jaqsy at joq deidi qázir. Jabydan aiǵyr salsańyz, jaýǵa miner at týmas depti burynǵylar! Ne deýge bolady... Júrek aýyrady.
Aibek Erejeptiń feisbýktaǵy jazbasynan
