ەلەمنٸڭ بەس دٷركٸن چەمپيوندارى جەڭٸلدٸ!
بٷگٸن قىرعىزستاندا ٶتٸپ جاتقان "كٶشپەندٸلەر ويىنىندا" كٶكپاردان جارتىلاي فينالدا قازاقتار ٶزبەك قۇراماسىنان جەڭٸلدٸ. ٶزٸمٸزدٸڭ ۇلتتىق ويىنىمىزدا جەڭٸلٸپ قالعان كەدٸمگٸدەي اۋىر تيەدٸ ەكەن.
قازاقتاردىڭ ٶز اتتارىن اپارماعانى دا جەڭٸلٸسكە سەبەپ بولعانداي. بٸزدە قەزٸر جەكپە-جەككە جارايتىن ات جوق ەكەن. "لازەر" ويىننان كەتكەسٸن جاقسى ات تابىلماي كەلەدٸ. "سارىشايان" دەگەن الماتى وبىلىسىنان شىققان مىقتى ات بار ەدٸ. ونى دا ٶزبەكتەرگە ساتىپ جٸبەردٸك. قىرعىزداردىڭ اتتارى مىقتى. ورتا ازييادا كٶكپاردا ولاردىڭ "اxيلەسٸنە" تۇراتىن ات جوق. ودان بٶلەك "بويكا", "گەركۋلەس", "كراز", ت.ب. مىقتى اتتارى بار. بٸزدە جالعىز "نامىسكٶك" قانا, ونىڭ ٶزٸ بابىندا جٷر ما جانۋار, اللا بٸلەدٸ. بٸزدە دە قىرعىزدار سيياقتى جاقسى اتتاردى شەتەلگە ساتۋعا بولمايدى دەپ تيىم سالىپ قويسا بولار ەدٸ.
ۇلتتىڭ نامىسى سىنعا تٷسكەن ۋاقتا بٸشكەكتٸڭ اتقوراسىنان جىلقى تاڭداپ جٷرگەن قازاق جٸگٸتتەرٸن كٶرٸپ جٷرەك اۋىرادى ەكەن. سوندا باياعى ٸليياس اتامىز سۋرەتتەپ كەتكەن قازاق دالاسىندا كٶسٸلٸپ جٷرگەن:
ادامنان ەستٸ جانۋار - ادايدىڭ كٶكمويناعىنان,
قوزىبايدىڭ دٷلدٷلٸ - سەرپٸندٸ كٶك اتتان,
دۋلاتتىڭ - قاشسا قۇتىلىپ, قۋسا جەتكەن قۇمايى مەن,
شۋدىڭ بويىن شۋلاتقان - مەرۋەرت جولداس اقسۇردان,
سىردىڭ بويىن سٸلتٸدەي تىيىپ جٷرگەن قىزقارادان,
بەيگە بەرمەس ۇدايى- ۇلىتاۋدىڭ قۇبايىنان,
قىپشاقتىڭ اقباقايىنان,
ارعىننىڭ الاسىنان,
الدىنا قارا سالماعان كٶكشەتاۋدىڭ قۇلاسىنان,
كەرەيدٸڭ- ەلٸك-قۇباقانىنان,
ەسٸلدٸڭ قاسقابۇلاسىنان,
ارالدىڭ الاٷيرەگٸنەن,
جارىلقاپتىڭ جيرەنٸنەن,
جالايىردىڭ بەيپٸل بٶرتەسٸنەن,
نايماننىڭ سۇرسەركەسٸنەن,
تٶستەن تٷلكٸ قويماعان
توبىقتىنىڭ تۇيعىنىنان,
جاۋعاشاردىڭ جامبىلتورىسىنان,
الباننىڭ اۋزىمەن قۇس تٸستەگەن اققانات كەرٸمەن,
شاپسا ەكپٸنٸ داۋىلداي,
كٶكالاسىنان - نامىسقا شاباتىن قۇلىن تٷسپەگەن با?
قازاقتا جاقسى ات جوق دەيدٸ قەزٸر. جابىدان ايعىر سالساڭىز, جاۋعا مٸنەر ات تۋماس دەپتٸ بۇرىنعىلار! نە دەۋگە بولادى... جٷرەك اۋىرادى.
ايبەك ەرەجەپتٸڭ فەيسبۋكتاعى جازباسىنان
