«Qazaqstan aviatsiialyq indýstriiasynyń» injenerlik-tehnikalyq quramy Belarýs aviajóndeý zaýytynyń mamandarymen birlesip, Sý-27 ushaqtaryn kúrdeli jóndeýden ótkizdi. Bul týraly "Ult aqparat" Qorǵanys ministrligine silteme jasap habarlaidy.
Osylaisha ushaqtardy Qazaqstannyń Áskeri-Áýe Kúshterine «Qazaqstan aviatsiialyq indýstriiasynyń» mamandary tapsyryp otyr. Joiǵyshtardy qabyldap, Nur-Sultan qalasyndaǵy aerodromda ushý synaqtaryn ótkizýge áýe qorǵanysy kúshteriniń Bas qolbasshysy aviatsiia general-leitenanty Nurlan Ormanbetov, áskeri áýe kúshteriniń qolbasshylyǵy, maidan aviatsiiasynyń ushqyshtary, sondai-aq áskeri aviatsiia injenerleri qatysty.
Áskeri ushqyshtar júrgizilgen jumysqa oń baǵa berdi.
«Ushaqtyń jerdegi jáne áýe maqsattarynda joǵary dáldiktegi qarýdy qoldaný múmkindigi zor. Qosymsha navigatsiia ornatylǵan, joǵary dáldikti qarýdyń ilý núkteleri ulǵaiyp, áýe kemesiniń jaýyngerlik múmkindikteri arta tústi», - dedi aviatsiialyq eskadrilia komandiriniń orynbasary maior Rýslan Maqadiev.
Jóndeý jumystaryn «Qazaqstan aviatsiialyq indýstriiasynyń» injenerlik-tehnikalyq quramy Belarýs aviajóndeý zaýytynyń mamandarymen birlesip júrgizgen.
«Qazaqstandyq aviatsiia indýstriiasy» - bul qorǵanys ónerkásibiniń aviatsiialyq klasterin jáne Qazaqstannyń óndiris, tehnikalyq qyzmet kórsetý jáne áskeri áýe kemelerin jóndeý naryǵynda básekege qabilettiligin damytý maqsatynda Qorǵanys ministrliginiń bastamasy boiynsha qurylǵan qazirgi zamanǵy aviatsiialyq kásiporyn.
Keiingi eki jyl ishinde Qazaqstan aýmaǵynda alǵash ret otandyq kásiporynmen An-72 áskeri-kólik aviatsiiasynyń ushaqtarynda reglamenttik jumystar oryndalǵan. Al qazirgi ýaqytta Sý-25 ushaǵynyń tórteýine kúrdeli jóndeý júrgizilýde.
