Qazaqstannyń jeti óńirindegi joldarda aýyr júk kólikterine shekteý engizildi, dep habarlaidy "Ult aqparat" IIDM Kólik komitetine silteme jasap.
Jyl saiyn kóktem ýaqytynda qys mezgilinen keiin joldardy saqtaý úshin bir ostik júktemesi 8 tonnadan asatyn kólikterdiń júrýine ýaqytsha shekteý engizildi. Bul erejeler birinshi naýryzdan bastap 7 oblystaǵy tas joldarda qoldanylyp keledi.
«Besinshi jol-klimattyq dep atalatyn aimaqqa» Almaty, Atyraý, Jambyl, Qaraǵandy (Jezqazǵan óńiri), Qyzylorda, Mańǵystaý jáne Túrkistan oblystary kirip otyr. Mundaǵy ýaqytsha shekteý 1 naýryz ben 1 sáýir aralyǵynda saqtalmaq.
Shekteý tótenshe jaǵdailardyń aldyn alý jáne joiý jónindegi is-sharalarmen ainalysatyn, júkter men jolaýshylardy halyqaralyq tasymaldaýdy júzege asyratyn, zardap shekkenderge gýmanitarlyq kómek kórsetetin, azyq-túlik, jolaýshylar, joljúk, dári-dármek tasymaldaityn, sondai-aq, jol-qurylys jumystarymen ainalysatyn kólik quraldaryna qoldanylmaidy», delingen habarlamada.
23 naýryzdan 1 mamyrǵa deiin atalǵan shekteýler Aqmola, Aqtóbe, Shyǵys Qazaqstan, Batys Qazaqstan, Qaraǵandy (Jezqazǵan óńiri), Qostanai, Pavlodar jáne Soltústik Qazaqstan oblystarynda engizilmek.
