Qazaqstannyń «Jasyl kópir» seriktestik baǵdarlamasyna álemniń 16 memleketi qosyldy, dep habarlaidy QazAqparat.
Bul týraly Halyqaralyq jasyl tehnologiialar jáne investitsiialar ortalyǵynyń basshysy Rápil Joshybaev málimdedi.
«Bizdiń ortalyq qyzmeti «Jasyl kópir» seriktestik baǵdarlamasyn qaita jandandyrady. Qazaqstannyń bul iri bastamasyna álemniń 16 memleketi men 16 uiymy qoldaý bildirdi», - dedi Rápil Joshybaev «Qazaqstandaǵy turaqty qalalyq infraqurylym: Astanadaǵy jasyl qurylys kórsetkishteri» dóńgelek ústelinde.
Sonymen birge, baǵdarlamaǵa jańa iri memleketter qosylýy múmkin.
«Biyl «Jasyl kópir» baǵdarlamasyna kórshiles Qytai men Ońtústik Koreia elderi qosylady. Qazaqstandaǵy ǵimarattardyń energiia-sý timidiligin arttyrý aýa sapasyn jaqsartyp, sý resýrstaryn saqtaýmen qatar, qurylys salasynda jańa tehnologiialardy qoldanýǵa yqpal etedi. Qazir de biz kelisim bekitken árbir qalamen jasyl tehnologiialardy damytýdyń, qalalyq infraqurylymǵa investitsiia tartýdyń Jol kartasyn ázirlep, halyqaralyq tájiribelerdi zerttep jatyrmyz», - dedi Rápil Joshybaev.
Aita keteiik, biyl Qazaqstan Niý-Iorkte ótetin BUU saiasi forýmynda turaqty damý maqsattaryn júzege asyrý boiynsha erikti ulttyq sholýyn usynady.
