قازاقستاننىڭ «جاسىل كٶپٸر» سەرٸكتەستٸك باعدارلاماسىنا ەلەمنٸڭ 16 مەملەكەتٸ قوسىلدى, دەپ حابارلايدى قازاقپارات.
بۇل تۋرالى حالىقارالىق جاسىل تەحنولوگييالار جەنە ينۆەستيتسييالار ورتالىعىنىڭ باسشىسى رەپٸل جوشىباەۆ مەلٸمدەدٸ.
«بٸزدٸڭ ورتالىق قىزمەتٸ «جاسىل كٶپٸر» سەرٸكتەستٸك باعدارلاماسىن قايتا جانداندىرادى. قازاقستاننىڭ بۇل ٸرٸ باستاماسىنا ەلەمنٸڭ 16 مەملەكەتٸ مەن 16 ۇيىمى قولداۋ بٸلدٸردٸ», - دەدٸ رەپٸل جوشىباەۆ «قازاقستانداعى تۇراقتى قالالىق ينفراقۇرىلىم: استاناداعى جاسىل قۇرىلىس كٶرسەتكٸشتەرٸ» دٶڭگەلەك ٷستەلٸندە.
سونىمەن بٸرگە, باعدارلاماعا جاڭا ٸرٸ مەملەكەتتەر قوسىلۋى مٷمكٸن.
«بيىل «جاسىل كٶپٸر» باعدارلاماسىنا كٶرشٸلەس قىتاي مەن وڭتٷستٸك كورەيا ەلدەرٸ قوسىلادى. قازاقستانداعى عيماراتتاردىڭ ەنەرگييا-سۋ تيمٸدٸلٸگٸن ارتتىرۋ اۋا ساپاسىن جاقسارتىپ, سۋ رەسۋرستارىن ساقتاۋمەن قاتار, قۇرىلىس سالاسىندا جاڭا تەحنولوگييالاردى قولدانۋعا ىقپال ەتەدٸ. قازٸر دە بٸز كەلٸسٸم بەكٸتكەن ەربٸر قالامەن جاسىل تەحنولوگييالاردى دامىتۋدىڭ, قالالىق ينفراقۇرىلىمعا ينۆەستيتسييا تارتۋدىڭ جول كارتاسىن ەزٸرلەپ, حالىقارالىق تەجٸريبەلەردٸ زەرتتەپ جاتىرمىز», - دەدٸ رەپٸل جوشىباەۆ.
ايتا كەتەيٸك, بيىل قازاقستان نيۋ-يوركتە ٶتەتٸن بۇۇ ساياسي فورۋمىندا تۇراقتى دامۋ ماقساتتارىن جٷزەگە اسىرۋ بويىنشا ەرٸكتٸ ۇلتتىق شولۋىن ۇسىنادى.
