Qazaqstan jastar quramasyna shaqyrtý alǵan fýtbolshy Izat Quljanov Serbiianyń «Radnichki Pirot» komandasyna aýysty, dep habarlaidy "Ult aqparat".
Izat qazir Serbiiada. Ol buǵan deiin «Ertis» fýtbol klýbynda oinaǵan.
Eske salsaq, buǵan deiin biz Pavlodardyń «Ertis» klýby fýtboldan Qazaqstan chempionatyna qatysýdan bas tartqany jáne klýbta qarjylai qiynshylyqtar bar ekeni týraly habarlaǵan bolatynbyz.
18 jastaǵy Izat Quljanov – Aqsý fýtbol mektebiniń túlegi. 2009 jyly belgili sport bapkeri Manarbek Qasenovtiń qol astynda jattyǵý jasaidy. Keiin «Ertistiń» jastar komandasyna alyndy. Birneshe ret Qazaqstan jastar quramasyna shaqyrtylǵan. 2019 jyly Pavlodar klýby sapynda 32 matchqa qatysyp, 8 gol soqty. Izat jartylai qorǵaýshy shebinde dop tebedi.
Izat Quljanovtyń jańa komandasy «Radnichki Pirot» Serbiianyń birinshi ligasynda oinaidy. Ujym byltyr ligany 13-shi orynda aiaqtaǵan.
