قازاقستان جاستار قۇراماسىنا شاقىرتۋ العان فۋتبولشى يزات قۇلجانوۆ سەربييانىڭ «رادنيچكي پيروت» كومانداسىنا اۋىستى, دەپ حابارلايدى "ۇلت اقپارات".
يزات قازٸر سەربييادا. ول بۇعان دەيٸن «ەرتٸس» فۋتبول كلۋبىندا ويناعان.
ەسكە سالساق, بۇعان دەيٸن بٸز پاۆلوداردىڭ «Ertis» كلۋبى فۋتبولدان قازاقستان چەمپيوناتىنا قاتىسۋدان باس تارتقانى جەنە كلۋبتا قارجىلاي قيىنشىلىقتار بار ەكەنٸ تۋرالى حابارلاعان بولاتىنبىز.
18 جاستاعى يزات قۇلجانوۆ – اقسۋ فۋتبول مەكتەبٸنٸڭ تٷلەگٸ. 2009 جىلى بەلگٸلٸ سپورت باپكەرٸ ماناربەك قاسەنوۆتٸڭ قول استىندا جاتتىعۋ جاسايدى. كەيٸن «ەرتٸستٸڭ» جاستار كومانداسىنا الىندى. بٸرنەشە رەت قازاقستان جاستار قۇراماسىنا شاقىرتىلعان. 2019 جىلى پاۆلودار كلۋبى ساپىندا 32 ماتچقا قاتىسىپ, 8 گول سوقتى. يزات جارتىلاي قورعاۋشى شەبٸندە دوپ تەبەدٸ.
يزات قۇلجانوۆتىڭ جاڭا كومانداسى «رادنيچكي پيروت» سەربييانىڭ بٸرٸنشٸ ليگاسىندا وينايدى. ۇجىم بىلتىر ليگانى 13-شٸ ورىندا اياقتاعان.
