Asylov Berik Noǵaiuly 1964 jyly Jambyl oblysynyń Birlik selosynda týǵan.
1993 jyly Bas prokýratýra tergeýshisi, aǵa tergeýshisi, 1995-1996 jyldar aralyǵynda Almaty áýe kólik prokýrorynyń orynbasary boldy.
1996 jyldyń sáýiri men jeltoqsany aralyǵynda Memlekettik tergeý komiteti, Ulttyq qaýipsizdik komiteti, Qorǵanys ministrliginiń áskeri barlaý qyzmetinde, Prezident kúzeti qyzmet organdarynda jedel - izdestirý qyzmetiniń zańdylyǵyn qadaǵalaý boiynsha bólim bastyǵy laýazymynda qyzmet atqardy.
1996 jyldyń jeltoqsan aiynda QR Bas prokýratýrasynyń jedel-izdestirý qyzmetiniń zańdylyǵyn qadaǵalaý boiynsha bóliminiń aǵa prokýrory bolyp taǵaiyndaldy. Sol jyly atalǵan bólimniń bastyǵy laýazymyna usynylyp, onda 2001 jylǵa deiin qyzmet etti. 2001 jyldyń qańtarynan 2003 jyldyń sáýirine deiin Shymkent qalasynyń prokýrory, 2003-2005 jyldary Ońtústik Qazaqstan oblysy prokýrorynyń orynbasary, 2005-2006 jyldary oblys prokýrorynyń birinshi orynbasary qyzmetterin atqardy.
2006-2008 jyldary Batys aimaqtyq kólik prokýrory, 2008 jyldyń naýryzynan 2010 jyldyń maýsymyna deiin Aqtóbe oblysynyń prokýrory boldy.
Al, 2019 jyly naýryzda Bas prokýrordyń birinshi orynbasary bolyp taǵaiyndalǵan bolatyn.
"Eren eńbegi úshin" medalimen, "Astananyń 10 jyldyǵy" mereitoilyq medalimen jáne "Ulttyq qaýipsizdikti Qamtamasyz etýdegi úlesi úshin" medalimen marapattalǵan.
