Foto: ashyq derekkóz
Otandyq ónim qazirdiń ózinde Amazon jáne Walmart onlain platformalarynda satylýda. Alǵashqy 50 tonna bidai uny Niý-Iorkke jetkizilip, Eurasian Legacy brendimen tutynýshylarǵa usynyldy, dep habarlaidy Ult.kz.
Bul – AQSh-ta ulttyq taýarymyzdy satýdyń jańa strategiiasy aiasynda júzege asqan alǵashqy iri eksporttyq joba.
Aldaǵy ýaqytta QazTrade qoldaýymen ai saiynǵy jetkizilim kólemin 100 tonnadan asyrý kózdelip otyr. QazTrade – QR Saýda jáne integratsiia ministrligi janyndaǵy eksportty damytýǵa jaýapty biryńǵai operator.
Amazon-daǵy qazaq unynyń baǵasy – 1,36 keli qaptamasy úshin $14,50. Qaptamada «Product of Kazakhstan» degen belgi bar. Bul belgi «Qazaqstanda jasalǵan» brendiniń tanymaldyǵyn arttyryp, ekologiialyq taza ári sapaly ónim jetkizýshi el retinde imidjimizdi qalyptastyrady.
Onlain saýdadan bólek, qazir qazaqstandyq undy meiramhanalarǵa, kofehanalarǵa jáne jergilikti ashanalarǵa jetkizý jóninde kelissózder júrgizilýde. Sonymen birge, AQSh-tyń iri saýda jelileri – Costco, Whole Foods jáne Trader Joe’s dúkenderine shyǵý múmkindigi de qarastyrylyp jatyr.
«Biz unmen ǵana toqtap qalmaimyz. Qaraqumyq, granola, talqan, shokolad pen kakaony da tanystyrdyq. Niý-Iork, Chikago jáne Vashingtondaǵy seriktesterimiz bul ónimderdiń sapasyn kórdi. Amerikanyń naryǵyna shyǵý shilde aiynda Vashingtonda QazTrade keńsesi ashylǵannan keiin múmkin boldy. Nátijesinde distribiýtorlar men riteilermen tikelei jumys isteýge jol ashyldy. Endi osy qalalarda qazaqstandyq óndirýshilerdiń biznes-missiiasyn ótkizgen durys bolady dep otyrmyz. Bul seriktestermen bailanysty nyǵaityp qana qoimai, tabiǵi ónimderdi joǵary baǵalaityn HoReCa segmentine shyǵýǵa múmkindik beredi», – dedi QazTrade bas direktory Aitmuhammed Aldajarov.
Turaqty kelisimsharttar jasalsa, ai saiyn 100 tonnadan astam un jetkizý josparlanyp otyr. Bul Qazaqstanǵa AQSh-tyń dándi daqyldar naryǵynda óz ornyn alýǵa jol ashady. Aita keterligi, munda tabiǵi jáne sertifikattalǵan ónimderge suranys árdaiym joǵary
