فوتو: اشىق دەرەككٶز
وتاندىق ٶنٸم قازٸردٸڭ ٶزٸندە Amazon جەنە Walmart ونلاين پلاتفورمالارىندا ساتىلۋدا. العاشقى 50 توننا بيداي ۇنى نيۋ-يورككە جەتكٸزٸلٸپ, Eurasian Legacy برەندٸمەن تۇتىنۋشىلارعا ۇسىنىلدى, دەپ حابارلايدى Ult.kz.
بۇل – اقش-تا ۇلتتىق تاۋارىمىزدى ساتۋدىڭ جاڭا ستراتەگيياسى اياسىندا جٷزەگە اسقان العاشقى ٸرٸ ەكسپورتتىق جوبا.
الداعى ۋاقىتتا QazTrade قولداۋىمەن اي سايىنعى جەتكٸزٸلٸم كٶلەمٸن 100 توننادان اسىرۋ كٶزدەلٸپ وتىر. QazTrade – قر ساۋدا جەنە ينتەگراتسييا مينيسترلٸگٸ جانىنداعى ەكسپورتتى دامىتۋعا جاۋاپتى بٸرىڭعاي وپەراتور.
Amazon-داعى قازاق ۇنىنىڭ باعاسى – 1,36 كەلٸ قاپتاماسى ٷشٸن $14,50. قاپتامادا «Product of Kazakhstan» دەگەن بەلگٸ بار. بۇل بەلگٸ «قازاقستاندا جاسالعان» برەندٸنٸڭ تانىمالدىعىن ارتتىرىپ, ەكولوگييالىق تازا ەرٸ ساپالى ٶنٸم جەتكٸزۋشٸ ەل رەتٸندە يميدجٸمٸزدٸ قالىپتاستىرادى.
ونلاين ساۋدادان بٶلەك, قازٸر قازاقستاندىق ۇندى مەيرامحانالارعا, كوفەحانالارعا جەنە جەرگٸلٸكتٸ اسحانالارعا جەتكٸزۋ جٶنٸندە كەلٸسسٶزدەر جٷرگٸزٸلۋدە. سونىمەن بٸرگە, اقش-تىڭ ٸرٸ ساۋدا جەلٸلەرٸ – Costco, Whole Foods جەنە Trader Joe’s دٷكەندەرٸنە شىعۋ مٷمكٸندٸگٸ دە قاراستىرىلىپ جاتىر.
«بٸز ۇنمەن عانا توقتاپ قالمايمىز. قاراقۇمىق, گرانولا, تالقان, شوكولاد پەن كاكاونى دا تانىستىردىق. نيۋ-يورك, چيكاگو جەنە ۆاشينگتونداعى سەرٸكتەستەرٸمٸز بۇل ٶنٸمدەردٸڭ ساپاسىن كٶردٸ. امەريكانىڭ نارىعىنا شىعۋ شٸلدە ايىندا ۆاشينگتوندا QazTrade كەڭسەسٸ اشىلعاننان كەيٸن مٷمكٸن بولدى. نەتيجەسٸندە ديستريبيۋتورلار مەن ريتەيلەرمەن تٸكەلەي جۇمىس ٸستەۋگە جول اشىلدى. ەندٸ وسى قالالاردا قازاقستاندىق ٶندٸرۋشٸلەردٸڭ بيزنەس-ميسسيياسىن ٶتكٸزگەن دۇرىس بولادى دەپ وتىرمىز. بۇل سەرٸكتەستەرمەن بايلانىستى نىعايتىپ قانا قويماي, تابيعي ٶنٸمدەردٸ جوعارى باعالايتىن HoReCa سەگمەنتٸنە شىعۋعا مٷمكٸندٸك بەرەدٸ», – دەدٸ QazTrade باس ديرەكتورى ايتمۇحاممەد الداجاروۆ.
تۇراقتى كەلٸسٸمشارتتار جاسالسا, اي سايىن 100 توننادان استام ۇن جەتكٸزۋ جوسپارلانىپ وتىر. بۇل قازاقستانعا اقش-تىڭ دەندٸ داقىلدار نارىعىندا ٶز ورنىن الۋعا جول اشادى. ايتا كەتەرلٸگٸ, مۇندا تابيعي جەنە سەرتيفيكاتتالعان ٶنٸمدەرگە سۇرانىس ەردايىم جوعارى
