Qazaqstan Respýblikasy Úkimetiniń qaýlysymen Qazaqstan Respýblikasynyń Ulttyq qoryna aktivterdi esepteý tártibi ózgerdi, dep habarlaidy "Ult aqparat".
«...kórsetilgen qaýlymen bekitilgen Qazaqstan Respýblikasynyń Ulttyq qoryna aktivterdi esepteý jáne Qazaqstan Respýblikasynyń Ulttyq qoryn paidalaný qaǵidalarynda: 1-taraýdyń taqyryby mynadai redaktsiiada jazylsyn:
«1-taraý. Qazaqstan Respýblikasynyń Ulttyq qoryna aktivterdi esepteý tártibi»; 3-tarmaq mynadai redaktsiiada jazylsyn: «3. Munai sektory uiymdaryna:
1) shiki munaidy, gaz kondensatyn óndirýmen ainalysatyn zańdy tulǵalar;
2) shiki munaidy, gaz kondensatyn barlaýǵa kelisimsharttar jasasqan zańdy tulǵalar;
3) jer qoinaýyn paidalanýshy salyq mindettemesin zattai nysanda oryndaý esebine bergen, paidaly qazbalardy memleket atynan alýshylarjatady. Kelesi qarjy jylyna arnalǵan munai sektory uiymdarynyń tizbesi aǵymdaǵy qarjy jylynyń 20 jeltoqsanyna qarai jer qoinaýyn paidalaný, munai kelisimsharttaryn jasasý jáne oryndaý salasyndaǵy memlekettik saiasatty iske asyrýdy júzege asyratyn quzyretti organmen jáne biýdjetti atqarý jónindegi ortalyq ýákiletti organmen birlesip bekitiledi», - dep jazylǵan Qaýly mátininde.
Qaýlynyń tolyq mátinin myna jerden oqýǵa bolady.
