Biyl Qazaqstannyń týrizm salasy koronavirýs saldarynan kiristeriniń 80 paiyzynan aiyrylady. Bul týraly QR Mádeniet jáne sport ministrligi Týrizm indýstriiasy komitetiniń tóraǵasy Dastan Rysbekov aitty, dep habarlaidy QazAqparat.
«Koronavirýs indetiniń otandyq týrizmge keri áseri óte zor bolatyndyǵyn atap ótý kerek. Bizdiń esepteýlerimizge sáikes, shekteý sharalarynyń engizilýine bailanysty biyl kóshpeli týrizm salasyndaǵy shyǵyn 70-80 paiyzǵa jýyqtaidy», - dedi Dastan Rysbekov Ortalyq kommýnikatsiialar alańynda ótken brifing barysynda.
Máselen, onyń atap ótýinshe, Ulttyq bank málimetterine sáikes, 2019 jylǵy týrizm salasy qyzmetteriniń eksport kólemi 2,5 mlrd AQSh dollaryn quraǵan. Osyǵan qarai tótenshe jaǵdaiǵa bailanysty el Úkimeti «Atameken» Ulttyq kásipkerler palatasynyń jáne týristik qoǵamdastyqtyń usynysy negizinde týrizm salasyndaǵy sýbektilerdi memlekettik qoldaý boiynsha birqatar jedel shara ázirlegen edi.
