Biylǵy 8 aida Qazaqstannyń syrtqy saýda ainalymy 1,7 paiyzǵa ósti. Bul jaiynda QR UEM Statistika komitetinen málim etti, dep habarlaidy "Ult aqparat".
«2019 jylǵy qańtar-shildede Qazaqstannyń syrtqy saýda ainalymy 53829 mln AQSh dollaryn qurap, 2018 jylǵy qańtar-shildemen salystyrǵanda 1,7 paiyzǵa artqan. Onyń ishinde eksport – 32943,4 mln AQSh dollary, import – 20885,6 mln AQSh dollary boldy», - delingen komitet aqparatynda.
Vedomstvo málimetinshe, 2019 jylǵy 1 qyrkúiektegi jaǵdai boiynsha tirkelgen zańdy tulǵalardyń sany 441 526 birlik boldy. Bul ótken jylǵy sáikes kezeńmen salystyrǵanda 2,3 paiyzǵa kóp. Onyń ishinde 100 adamnan kem qyzmetkerleri bar 432 775 zańdy tulǵa bar. Jumys istep turǵan zańdy tulǵalardyń sany - 297 933. Onyń 289 561-i shaǵyn kásiporyn sanalady.
Tutyný baǵasynyń indeksi 2019 jylǵy tamyzda 2018 jylǵy jeltoqsanmen salystyrǵanda 103 paiyz boldy. Azyq-túlik taýarlarǵa baǵalar – 6,1, azyq-túlik emes taýarlarǵa 2,9 paiyz ósti. Al halyqqa arnalǵan aqyly kórsetiletin qyzmetterge baǵa 0,6 paiyz tómendedi. Ónerkásip ónimderine óndirýshi kásiporyndar baǵasy 2019 jylǵy tamyzda 2018 jylǵy jeltoqsanmen salystyrǵanda 3,1 paiyz joǵarylady.
