Foto: QR SIM baspasóz qyzmeti
QR Premer-Ministriniń orynbasary – Syrtqy ister ministri Murat Nurtileý RF Syrtqy ister ministri Sergei Lavrovtyń shaqyrýymen Resei Federatsiiasyna resmi saparmen bardy, dep habarlaidy "Ult aqparat" vedomstvonyń baspasóz qyzmetine silteme jasap.
"Sapar barysynda RF Syrtqy ister ministri Sergei Lavrovpen jáne RF Prezidentiniń syrtqy saiasi máseleler jónindegi kómekshisi Iýrii Ýshakovpen ekijaqty kezdesýler ótti.
Taraptar Qazaqstan-Resei yntymaqtastyǵynyń aǵymdaǵy jai-kúii men damý perspektivalaryna, sondai-aq TMD, EAEO, UQShU qosa alǵanda, integratsiialyq birlestikter sheńberindegi ekijaqty ózara is-qimylǵa bailanysty ózekti máselelerdi talqylady.
Óńiraralyq jáne shekara mańyndaǵy ózara is-qimyldy nyǵaitý, saýda-ekonomikalyq jáne investitsiialyq yntymaqtastyqty damytý jáne túrli salalarda birlesken jobalardy iske asyrý máselelerine erekshe nazar aýdaryldy" - delingen QR SIM habarlamasynda.
Sondai-aq, taraptar halyqaralyq jáne óńirlik kún tártibindegi ózekti máseleler boiynsha pikir almasyp, joǵary jáne asa joǵary deńgeidegi aldaǵy is-sharalarǵa daiyndyq barysyn qarastyrǵan.
Kezdesý qorytyndysy boiynsha Qazaqstan men Reseidiń syrtqy saiasi vedomstvolary arasyndaǵy 2023-2024 jyldarǵa arnalǵan yntymaqtastyq jónindegi is-sharalar josparyna qol qoiylǵan.
