Foto: Qazsýshar
Sý resýrstary jáne irrigatsiia ministrligi elimizdegi sý qoimalaryndaǵy jaǵdai týraly habarlady, dep habarlaidy «Ult aqparat».
Aqparatqa sáikes, Batys Qazaqstan oblysynyń tórt iri sý qoimasy 92%-ǵa toldy. Olardyń barlyǵy shtattyq kestege sai jumys isteidi. Aimaqta sý tasqynynyń ekinshi kezeńi jalǵasyp jatyr.
"Aqmola oblysynda eki iri sý qoimasy 100%-ǵa toly. Eki nysan da shtattyq rejimde jumys isteidi. Óńirde sý tasqynynyń belsendi kezeńi ótti.
Soltústik Qazaqstan oblysynda 2 iri sý qoimasy 100%-ǵa toly. Nysandar tranzittik rejimde jumys isteidi. Esil ózenindegi sý tasqynynyń ekinshi kezeńi jalǵasyp jatyr. Sý aǵyny tómendep jatyr.
Aqtóbe oblysynda eki iri sý qoimasynyń ortasha sý jinaý kórsetkishi 96%. Eki nysan da shtattyq kestege sai jumys isteidi. Óńirde sý tasqynynyń belsendi kezeńi ótti.
Shyǵys Qazaqstan oblysynda eki iri sý qoimasy boiynsha ortasha sý jinaý kórsetkishi 83,6%", - delingen vedomstvo taratqan habarlamada.
Abai oblysynda Shúlbi sý qoimasy 48,6%-ǵa toldy. Aimaqta sý tasqyny jalǵasýda. Shúlbi sý qoimasyna búiirlik salalardyń ulǵaiýyna bailanysty Ertis ózenine sý aǵyny jalǵasýda.
Qaraǵandy oblysynda 3 iri sý qoimasy 99%-ǵa toly. Olardyń barlyǵy shtattyq kestege sai jumys isteidi. Aimaqta sý tasqynynyń belsendi kezeńi ótti.
Qostanai oblysynda eki iri sý qoimasynyń ortasha sý jinaý kórsetkishi 92%. Eki nysan da shtattyq kestege sai jumys isteidi. Aimaqtaǵy sý tasqynynyń belsendi kezeńi ótti.
"Sý qoimalarynda "Qazsýshar" mamandarynyń kezekshiligi jáne sý sharýashylyǵy jaǵdaiynyń monitoringi jalǵasyp jatyr. Sý qoimalarynda jinalǵan tasqyn sýy aýylsharýashylyǵy men ónerkásipte paidalaný úshin jiberiledi", - dep habarlady Sý resýrstary jáne irrigatsiia ministrligi.
