Foto:elements.envato.com
Memleket basshysy Qasym-Jomart Toqaev "Qazaqstan Respýblikasynyń sot júiesi men sýdialarynyń mártebesi týraly" Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly" Qazaqstan Respýblikasynyń Konstitýtsiialyq zańyna qol qoidy, dep habarlaidy "Ult aqparat" Aqordanyń baspasóz qyzmetine silteme jasap.
Sondai-aq, Prezident "Qazaqstan Respýblikasynyń keibir zańnamalyq aktilerine protsestik zańnamany jetildirý jáne sot júiesin reformalaý máseleleri boiynsha ózgerister men tolyqtyrýlar engizý týraly" Qazaqstan Respýblikasynyń Zańyna qol qoidy.
Sputnik Qazaqstan agenttiginiń jazýynsha, zańǵa sáikes, endi quqyq qorǵaý organdary sýdialarǵa qysym kórsete almaidy. Sýdialarǵa qatysty arnaiy jedel-izdestirý sharalary tek bas prokýrordyń sanktsiiasymen ǵana júrgiziledi.
Buryn quqyq qorǵaý organdary qylmystyq is qozǵamai-aq kez kelgen sýdiaǵa qarsy arnaiy jedel-izdestirý sharalaryn júrgize alatyn. Bul úshin oblys prokýrorynyń sanktsiiasy jetkilikti bolatyn.
"Senatta zań jobasyn talqylai kele, sýdialarǵa qatysty arnaiy jedel-izdestirý sharalaryn tek bas prokýrordyń sanktsiia berýimen ǵana júrgizý qajet degen toqtamǵa keldik. Sondyqtan bul kepildi Konstitýtsiialyq zań deńgeiinde bekitý usynylyp otyr", - dep túsindirgen edi normanyń engizilýin Senat depýtaty Andrei Lýkin.
Depýtattar bul norma sýdialardyń táýelsizdigin nyǵaitady degen úmitte.
Sonymen qatar aýdandyq sottyń tóraǵalaryn kadr rezervindegi jáne óz-ózin usynǵan azamattardyń arasynan sailaý tetigi engizildi. Sýdialar qaýymdastyǵy kandidatty ózi usyna alady.
Budan bólek, qabyldanǵan zańǵa sáikes, senat Joǵarǵy sottyń sýdialaryn da balamaly negizde sailaidy. Senatqa keminde eki sýdianyń kandidatýrasy usynylady.
