Qazaqstannyń soltústik bóliginde 11-13 qazan kúnderi aýa raiy jaýyn-shashyndy bolyp, qar jaýýy múmkin, dep habarlaidy "Ult aqparat" Qazgidrometke silteme jasap.
«Aldaǵy úsh kúnde Qazaqstannyń soltústik aimaqtarynda aýa raiy jaýyn-shashynnyń sońy qarǵa ulasyp, kún sýytýy múmkin. 11 qazan kúni kúndizgi aýa temperatýrasy 13...20°S aralyǵynda bolsa, 13 qazanda 0...pliýs 8°S, al túnde 0...minýs 5°S aralyǵynda bolady. Mundai aýa raiy respýblika aýmaǵyna Reseidiń eýropalyq bóliginiń soltústik aýdandarynan kele jatqan arktikalyq sýyq aýa aǵyndaryna bailanysty» delingen habarlamada.
Qazaqstannyń ońtústiginde, ońtústik-shyǵysynda jáne shyǵysynda sýyq aýa aǵyndarynyń áseri 12 jáne 13 qazan kúnderi baiqalady. Atalǵan óńirlerde ázirshe jańbyr jaýady, degenmen taýlarda jańbyrdyń arty qarǵa ulasýy yqtimal.
