QR Tuńǵysh Prezidenti Nursultan Nazarbaev Qazaqstannyń shet eldermen dostyq qarym-qatynasy jóninde baiandady, dep habarlaidy QazAqparat.
«Búginde Qazaqstannyń óz shekarasynda eshqandai jaýy joq. Bizde tutas dostyq qarym-qatynas ornaǵan. Onyń úlgisi – Qazaqstan men Reseidiń qarym-qatynasy. Qazaqstan men Qytai qatynasy da senimge negizdelgen. Ortalyq Aziia boiynsha ońtústik kórshilermen de aramyz tatý. Sondyqtan, dál osy jerge álemdik din kóshbasshylary jinala alady. AÓSShK osynda quryldy. Siriia shielenisi boiynsha kelissózdiń 10-raýndy da osynda ótedi. Sebebi olar Qazaqstanǵa senedi. Osynyń arqasynda meniń aralasýymmen Resei men Túrkiia arasyndaǵy ótkir shielenis sheshildi», - dedi Tuńǵysh Prezident.
Sonymen birge, Elbasy Qazaqstan Eýropalyq odaqpen, AQSh-pen dostyq qarym-qatynasta ekenin jetkizdi. Tipti Soltústik Koreiamen de arada qarama-qaishylyq joq.
«Mundai baǵyttaǵy damý Qazaqstannyń qalypty damýyna jáne óz máselelerin sheshýine múmkindik beredi. Qazaqstan aýqymdy kúrdeli tarihtan shyqqan jas memleket. Óz aiaǵymyzǵa nyq turý úshin, ózimiz qalaǵandai memleket bolý úshin áli kóp jyl qajet», - dedi Nazarbaev.
