Foto: pixabay.com
Qazaqstannyń jetýi qiyn aimaqtaryndaǵy 176 aýyl internetke qosylǵan, dep habarlaidy "Ult aqparat" Tsifrlyq damý, innovatsiialar jáne aeroǵarysh ónerkásibi ministrligine silteme jasap.
Qazirgi tańda Qazaqstanda 250-den az turǵyny bar júzdegen aýyldyq eldi meken bar, olar statsionarlyq bailanysy qiyn jáne keń jolaqty internetke qosylý qyzmetteri joq aýdandarda ornalasqan.
2022 jylǵy qyrkúiekte «Digital bridge» forýmy aiasynda Memleket basshysy Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligine spýtniktik tehnologiialardy paidalana otyryp, eń shalǵaidaǵy aýyldyq eldi mekenderdi qamtý boiynsha jumysty jandandyrýdy tapsyrdy.
Qazaqstandaǵy «tsifrlyq alshaqtyqty» joiý maqsatynda QR TsDIAÓM «Respýblikalyq ǵaryshtyq bailanys ortalyǵy» AQ ǵaryshtyq bailanys júiesin qosý máselesi boiynsha jumys júrgizýdi tapsyrdy.
Búgingi tańda «Respýblikalyq ǵaryshtyq bailanys ortalyǵy» AQ «Kazopiclink» JShS bailanys operatorymen birlese otyryp, Wi-Fi HotSpot tehnologiiasyn (qoǵamdyq Internetke kirý núktesi) paidalana otyryp, Qazaqstan boiynsha 176 aýyldyq eldi mekendi qosty.
«Bul qyzmet 176 aýyldyń turǵyndaryna tegin beriledi. Endi olar qajetti memlekettik tsifrlyq qyzmetterge, elektrondy bankingke jáne búgingi kúni eń suranysqa ie basqa da qyzmetterge qol jetkize alady», - dedi Baǵdat Mýsin.
«Respýblikalyq ǵaryshtyq bailanys ortalyǵy» AQ bul aýyldarda internetke qosylýdyń qalai júrgiziletinin túsindirdi.
«Internetke qol jetkizý 10 Mbit/s deiin jáne 2 Mbit/s deiingi qosylý jyldamdyǵymen «KazSat-3» ǵarysh apparatynyń spýtniktik bailanys arnalary arqyly kóliktik bailanys negizinde uiymdastyrylǵan.», - «Respýblikalyq ǵaryshtyq bailanys ortalyǵy» AQ satý jáne halyqaralyq yntymaqtastyq departamentiniń direktory Abzal Áliev málimdedi.
QR Tsifrlyq ministrliginiń baspasóz qyzmetiniń habarlaýynsha, 2024 jyly zamanaýi spýtniktik tehnologiialar arqyly internetpen qamtylmaǵan aýyldyq eldi mekenderdi qosý jalǵasady. Aldaǵy ýaqytta elimizdiń kommýnikatsiiasy qiyn aýdandarynda ornalasqan taǵy 328 aýyldyq eldi mekendi qosý josparlanýda.
Aita ketetin jáit, búginde «Kazsat» ǵaryshtyq bailanys júiesi shtattyq rejimde jumys istep tur.
