Qazaqstan Respýblikasynyń Reseidegi Elshiligi málimdeme jasap, Reseidiń Ýkrainamen shekaralas aimaqtaryna barmaýǵa shaqyrdy, - dep habarlaidy "Ult aqparat".
"Reseidiń Ýkrainamen shekaralas aimaqtarynda qaýipsizdikke tónetin qaýip-qaterlerge bailanysty atalǵan aimaqtarǵa barýdan bas tartýdy suraimyz" - delingen habarlamada.
Diplomatiialyq vedomstvo Resei Federatsiiasynda, ásirese Ýkrainamen shekaralas aimaqtarda júrgen elimizdiń barlyq azamattaryn mindetti túrde elshilik saitynda konsýldyq esepke turýǵa shaqyrdy (konsýldyq esepke silteme boiynsha onlain turýǵa bolady).
Elshilik ókilderiniń sózinshe, tótenshe jaǵdailar týyndaǵan jaǵdaida Qazaqstan Respýblikasynyń azamattaryna barlyq qajetti kómek pen qoldaý kórsetiledi.
Elshiliktiń senim telefony: +7-925-897-71-14.
Eske salaiyq, buǵan deiin birneshe reseilik BAQ elde ishki qaqtyǵys bastalǵanyn habarlaǵan bolatyn.
